JEREMÍAS 51:45 - Dios Rimashcata Quillcashcami

⁴⁵ ¡Ñuca acllashcacunalla, chai llacta chaupimanta llucshichicyari! Mandac Dios nina japiric shina, yallita llaquichinamanta llucshichicyari.

JEREMÍAS 51:45 ပူးပေါင်းရင်းမြစ်များ

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

JEREMÍAS 50:28

Babilonia llactamanta miticushpa shamuccuna caparishcatami uyani. Mandac Diosmi Babilonia llactapi causaccunata paipac huasita urmachishcamanta llaquichishami nishcata pactachicushcata Sionpi huillangapac shamun.

JEREMÍAS 50:8

Caldeocuna causana llactata saquishpa Babilonia llactamanta llucshichicyari. Shuc carnero manada ovejacunata ñaupac shina, pushashpa llucshichicyari.

JEREMÍAS 51:50

Mandac Diosca: «¡Jatun macanacuipi mana huañushpa, saquirishcacunaca mana samarishpa, utca callpaichicyari! Carupi cashpapish Mandac Diosta yuyaringuichicyari. Jerusalentaca cancunapac yuyaipi charinguichic» ninmi.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

ZACARÍAS 2:7

¡Sionlla, cunanca Babilonia llactamanta miticushpa llucshichicyari!

NÚMEROS 16:26

Moisés chayashpa, chaipi cac tucui israelcunataca: —¡Diosta mana manchac gentecunapac chaupimanta anchurichic! Paicunapac ima tiyashcata ama japinguichicchu. Pacta paicunapac juchamanta cancunapish llaquichishca canguichicman— nirca.

HECHOS 2:40

Pedro cutin cutin cunashpaca: —Cunan millaita ruhuaccunataca, Diosca llaquichingami. ¡Chai llaquimanta quishpirichic!— nircami.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.