JEREMÍAS 51:39 - Dios Rimashcata Quillcashcami

³⁹ Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

JEREMÍAS 51:39 ပူးပေါင်းရင်းမြစ်များ

SALMOS 13:3

¡Mandac Dioslla, ñucata ricushpa uyaiyari! Achic punzhata ricuchun saquiyari, huañuchunca ama saquichu.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JEREMÍAS 48:26

Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

DANIEL 5:30

Chai tutallatacmi caldeocunata jatun mandac Belsasarca huañurca.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

NAHÚM 3:11

Canpish machashca shinami saquiringui. Piñaccunamanta miticushpami ucupi cangui. Piñaccuna shamucpica, maipi miticunata mashcanguimi.

NAHÚM 3:18

¡Asiria llactata jatun mandaclla, cambac michiccunaca sueñucunmi! ¡Cambac sinchi soldadocunapish samaricunmi! Cambac llactapi causaccunaca urcucunamanmicaita chaita rishca. Paicunata tandachicca pipish mana tiyanchu.