JEREMÍAS 51:32 - Dios Rimashcata Quillcashcami

³² Jatun yacu chimba lado pambacunata japishpami, baluartecunapish tucui rupachishca. Soldadocunaca manchaihuanmi chucchucun.

JEREMÍAS 51:32 ပူးပေါင်းရင်းမြစ်များ

ISAÍAS 44:27

Ñucami allpa ucupi cac mama cuchataca: “¡Chaqui!” nini. Cancunapac llacta jatun yacucunataca: “Chaquichishami” ninimi.

ISAÍAS 47:14

Riqui, paicunaca ucsha shinami canga. Paicunataca ninami rupachinga. Chaimantaca mana quishpiri pudingachu. Chai ninaca mana masharingapacchu. Mana cunuringapacchu.

JEREMÍAS 51:30

Babilonia sinchi soldadocunaca macanacunata saquishpami, jatun torre ucucunapi miticushca. Fuerza illac saquirishpami, huarmicuna shina tucushca. Paicunapac huasicunaca rupashcami. Llacta pungu aldabacunapish paquirishcami.

JEREMÍAS 51:31

Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

JEREMÍAS 51:33

Israelcunapac tucuita Mandac Diosca: «Sumaimana Babilonia llactaca trigota trillana era shinami. Asha punzha quipaca ñami cosechana punzha chayamugrin» ninmi.

JEREMÍAS 52:7

Chaimantami chai llacta muyundi jatun pircata shuc jutcuta ruhuashpa, tucui soldadocuna miticushpa callparca. Chashnami tuta jatun mandacpac huerta ladopi tiyac ishcai pirca chaupipi tiyac punguta llucshirca. Caldeocuna muyundipi chapacucllapitacmi Arabá pambaman rina ñanta callparca.