JEREMÍAS 51:27 - Dios Rimashcata Quillcashcami

²⁷ ¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

JEREMÍAS 51:27 ပူးပေါင်းရင်းမြစ်များ

GÉNESIS 10:3

Gomerpac churicunaca: Askenaz, Rifat, Togarmami carca.

GÉNESIS 8:4

Ña canchis quilla chunga canchis punzhapica huambuc huasica Ararat urcupimi saquirirca.

2 REYES 19:37

Senaquerib paipac dios Nisrocpac huasiman rishpa, chaipi alli nicucpimi, paipac churicuna Adramelec, Sarezer espadahuan huañuchirca. Shina huañuchishpaca, Ararat llactamanmi miticushpa rircacuna. Paipac churi Esar-hadonmi paipac randi mandarca.

1 CRÓNICAS 1:6

Gomerpac churicunaca: Askenaz, Rifat, Togarmami carca.

ISAÍAS 18:3

Tucui cai pachapi causaccuna urcucunapi banderata shayachishcata ricuichic. Cornetapi tocashcata uyaichic.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

JEREMÍAS 46:23

Chai llaquichic runacunaca langostacuna shinami maita mana yupaipac, mana yaicuipac jatun sachaman yaicushpa, yuracunata tigrachinga. Chaitaca Mandac Dios ñucami nini.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 50:9

Ñucami jahua llactamanta Babilonia llactata llaquichichun, sinchi llactacunata tandachishpa pushamugrini. Chai llactacuna allichirishpa shamushpami macanacushpa mishanga. Chai runacunaca mana pandarishpa, allita flechacunata shitac runacunami.

JEREMÍAS 51:12

Mandac Diosca pai nishca shina llaquichinata yuyarishcami. Babilonia llactata llaquichishami nishcataca pactachingatacmi. Chaimanta Babilonia llacta muyundi jatun pircapi banderata shayachichic. Chaimanta ama llucshichun, soldadocunata chapachun churaichic. Chaiman yaicungapac allichirichic.

JEREMÍAS 51:14

Tucuita Mandac Diosca paipac shutillapitac ari nishpami: «Ñucaca canta piñaccunataca langostacunata shinami jundachisha. Paicunami caparishpa canhuan macanacungapac shamunga» nirca.

JEREMÍAS 51:28

Media llactata jatun mandaccunatapish, shuctac mandaccunatapish, soldadocunata mandaccunatapish, chai llactapi causaccunatapish tandachishpa allichirichic» ninmi.

JEREMÍAS 6:1

Benjaminpac huahuacunalla, jahua lado llactamantami cancunata llaquichishpa tucuchicca shamucun. Chaimanta Jerusalenmanta llucshishpa, Tecoa llactapi cornetapi tocaichic. Bet-haquerem llacta ladopi cushnichishpa ricuchichicyari.

JOEL 3:9

¡Tucui llactacunapi macanacui tiyanata huillashpa: “Macanacungapac allichirichic! ¡Sinchi runacuna allichirichic! Macanacuc soldadocunapish shamushpa allichirichic.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.