JEREMÍAS 51:20 - Dios Rimashcata Quillcashcami

²⁰ Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

JEREMÍAS 51:20 ပူးပေါင်းရင်းမြစ်များ

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 13:5

Mandac Diosca caru llactamanta, jahua pacha tucurimantami yallita piñarishpa, tucui cai pachata tucuchingapac paita servic soldadocunahuan shamun.

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

ISAÍAS 8:9

Caru llactapi causaccunalla, tucui cai pachapi causaccunalla, tandanacuichicyari. ¡Alli chumbillirishpa shayacuichic, llaquichishcami canguichic! ¡Allichirishca shuyacuichic, llaquichishcami cagringuichic!

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 50:23

¡Tucui cai pacha llactacunata llaquichic martillo shina Babilonia llactamari tucurishca! ¡Chai llactaca shuctac llactacunapac chaupipica mancharina, shitashca pambami tucushca!

EZEQUIEL 21:11

Chai espadataca huañuchicpac maquipi churangapacmi alli mulashpa, jagan nicucta ruhuarca” ninmi ningui.

EZEQUIEL 21:31

Ñucaca nina japiric shina yallita piñarishpami llaquichisha. Cancunata yallita llaquichichunmi millaita ruhuac runacunaman cusha.

MIQUEAS 4:12

Ashtahuanpish paicunaca Mandac Dios imata yuyaricushcatapish, pai cunacushcatapish mana yachanchu. Chashnami Mandac Dios gavillata trillana pambapi tandachishca shina cashpapish mana yachancuna.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

NAHÚM 2:1

¡Nínive llactalla, tucuchicmi huichai shamun! ¡Torrecunapi chapacta churaiyari! ¡Ñantapish chapaiyari! ¡Sinchita chumbilliyari! ¡Sinchicuiyari!

ZACARÍAS 10:4

Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.