JEREMÍAS 51:18 - Dios Rimashcata Quillcashcami

¹⁸ Chai dioscunaca burlashpa asinami. Yalli llaqui punzhacunapica tucuchishcami canga.

JEREMÍAS 51:18 ပူးပေါင်းရင်းမြစ်များ

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 2:18

Ruhuashcalla dioscunatapish tucuimi anchuchishca canga.

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 57:12

Ñucami can cashcata ruhuashcatapish, shuctac ruhuashcacunatapish tucui ricuchigrini. Chai ruhuashcacunaca imapacpish mana valingachu.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 46:25

Israelcunapac tucuita Mandac Diosca: «Ñucaca Tebas llacta Amón diosta llaquichishami. Faraontapish, pai mandacuc Egipto llactatapish, paicunapac dioscunatapish, paicunapac mandaccunatapish llaquichigrinimi. Faraontapish, paipi shunguta churashpa causaccunatapishmi llaquichisha.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

EZEQUIEL 6:6

Cancuna causana llactacunapish, lomacunapi tiyac altarcunapish chingachishcami canga. Cancunapac altarcunaca tucui polvoshca, ruhuashcalla dioscunaca paquishca, inciensota rupachina altarcunaca tucui chingachishcami canga. Shinallatac cancuna ima ruhuashcapish tucui chingachishcami canga.

JONÁS 2:8

Ruhuashcalla dioscunata caticcunaca can llaquic cashcata cungarincunami.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.