JEREMÍAS 51:14 - Dios Rimashcata Quillcashcami

¹⁴ Tucuita Mandac Diosca paipac shutillapitac ari nishpami: «Ñucaca canta piñaccunataca langostacunata shinami jundachisha. Paicunami caparishpa canhuan macanacungapac shamunga» nirca.

JEREMÍAS 51:14 ပူးပေါင်းရင်းမြစ်များ

SALMOS 105:34

Dios mandacpimi langostacunapish, saltashpa puric animalcunapish yallita mirashpa,

JEREMÍAS 44:26

Chaimanta Egipto llactapi causac Judá gentecuna Mandac Dios rimashcata uyaichic. Paica: Egipto llactapi causac Judá gentecunamanta maijanllapish: ‘Mandac Diosca causacunmi’ nishpaca, ñucata ña mana mañangachu, ña mana yuyaringachu. Caitaca Mandac Dios ñuca shutipimi nini.

JEREMÍAS 46:23

Chai llaquichic runacunaca langostacuna shinami maita mana yupaipac, mana yaicuipac jatun sachaman yaicushpa, yuracunata tigrachinga. Chaitaca Mandac Dios ñucami nini.

JEREMÍAS 49:13

Bosra llactaca tucui urmachishca, mana alli nishca, shitashca pambami saquinga. Shinallatac muyundi caishuc llactacunapish chashnami huiñaita urmachishca canga. Mandac Dios ñucapac shutipimi nini» ninmi.

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

JOEL 2:25

Mandac Diosca: «Ñucami achca soldadocuna shina langostacunata cacharcani. Chaimantami oruga nishca langostacuna, saltón nishca langostacuna, revoltón nishca langostacuna micushpa tucurca. Shina cacpipish, cunanca chai huatacunamanta yallitami cutichisha.

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

HEBREOS 6:13

Diosca paimanta yalli pi mana tiyacpi, Abrahamhuan paipac shutipi,

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.