JEREMÍAS 50:42 - Dios Rimashcata Quillcashcami

⁴² Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 50:42 ပူးပေါင်းရင်းမြစ်များ

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

SALMOS 74:20

Ñucanchic-huan ari nishcata yuyariyari. Tucui llactapimi amsapi cashca shina llaquita ruhuancuna.

ISAÍAS 14:6

Paicunaca yallita piñarishpami, chugrichishpa llaquichic carca. Llactacunapi causaccunatapish yallita piñashpami sinchita mandacurca. Ashallatapish mana llaquishpami, catipi llaquichic carca.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 5:28

Paicunapac flechacunapish alli mulashcami canga. Arcocunapish allichishcami canga. Caballocunapac shillucunaca yacu rumi shina sinchimi canga. Carretacunapac ruedacunaca acapana huaira shinami callpanga.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

JEREMÍAS 47:3

Caballocuna tulun nishpa callpamucta uyashpa, carreta ruedacuna huacashcata uyashpami taitacunaca huahuacunata shitashpa callpanga. Yallita manchaihuan chucchushpami imata mana ruhuai pudinga.

JEREMÍAS 50:14

Babilonia llactapi causaccunahuan macanacungapac muyundita allichirishpa shayarichic. Flechacunahuan shitaccuna ama pandarishpa shitaichiclla. Paicunaca Mandac Diostami piñachirca.

JEREMÍAS 50:9

Ñucami jahua llactamanta Babilonia llactata llaquichichun, sinchi llactacunata tandachishpa pushamugrini. Chai llactacuna allichirishpa shamushpami macanacushpa mishanga. Chai runacunaca mana pandarishpa, allita flechacunata shitac runacunami.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

JEREMÍAS 8:16

Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

EZEQUIEL 26:3

Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

JOEL 2:5

Paicunaca carretacuna ric shinami, urcucuna jahuata volanga. Paicunaca chaquishca pangacunata nina tucui rupachicuc shinami uyaringa. Jatun Macanacuiman ringapac allichirishca sinchi runacuna shinami canga.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.