JEREMÍAS 50:39 - Dios Rimashcata Quillcashcami

³⁹ Chaimantami Babilonia llactaca shitashca pambapi causac chacal animalcuna, avestruz animalcuna causana tucunga. Gentecunaca manatac ashtahuan chaipica causangachu.

JEREMÍAS 50:39 ပူးပေါင်းရင်းမြစ်များ

ISAÍAS 14:23

Chai llactapica erizo animalcuna causana, yalli yacu allpacunatami ruhuasha. Tucuita tucuchic pichanahuan pichashpami tucuchisha. Chaitaca tucuita Mandac Dios ñucami nini» nirca.

JEREMÍAS 25:12

Canchis chunga huata tucucpimi, Babilonia llactata jatun mandactapish, chai llactapi causaccunatapish, caldeocunatapish paicuna mana allita ruhuashcamanta llaquichishpa, huiñaita shitashca pambata shina saquisha.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 51:26

Chai tucushca pushtumantaca pipish huasita shayachishpa, callaripi churangapac shuc rumillatapish mana japingachu. Huiñaitami shitashca pamba saquiringa. Chaitaca Mandac Dios ñucami nini.

JEREMÍAS 51:43

Tucui chai llactacunaca chaquishca, shitashca pambami saquirishca. Chaipica pipish mana causangachu. Pipish chaita mana pasangachu.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.