JEREMÍAS 50:34 - Dios Rimashcata Quillcashcami

³⁴ Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

JEREMÍAS 50:34 ပူးပေါင်းရင်းမြစ်များ

2 CRÓNICAS 6:39

Paicuna shina mañacpica, can causacuc jahua pachapi uyashpa, paicuna mañashcata cungui. Shinallatac paicuna canta llaquichishpa juchallishcata perdonangui.

JOB 19:25

Ñucata quishpichic Dios causacushcataca yachanimi. Ñuto allpamanta jatarina cashcatapish yachanimi.

SALMOS 35:1

Mandac Dioslla, ñucata piñaccunahuan shayariyari. Ñucahuan macanacuccunahuan macanacuiyari.

SALMOS 43:1

Ñuca Dioslla, ñucata imamanta llaquichicucta ricushpa misaiyari. Canta mana manchac, llullac millai gentecunapac maquimanta quishpichiyari.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

PROVERBIOS 22:23

Mandac Diosmi paicunataca misanga. Paicunamanta quichuccunataca paillatacmi causaita quichunga.

PROVERBIOS 23:11

Paicunata cuidac Diosca yallita sinchimi. Paimi paicunata llaquichishcamanta cantapish llaquichinga.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 43:14

Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 47:4

Chashnami ñucanchicta quishpichic nin. Paipac shutica tucuita Mandac Diosmi. Israelcunapac jucha illac Diosmi. Paica:

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

JEREMÍAS 15:21

Mana allita ruhuac millai runacunapac maquimantapish quishpichishpami cuidasha» nirca.

JEREMÍAS 30:20

Jacobopac huahuacunaca punta shinallatacmi canga. Paicuna tandanacushcapish ñuca ñaupapica sinchimi canga. Paicunata llaquichiccunataca llaquichishami.

JEREMÍAS 31:11

Mandac Dios ñucami Jacobopac huahuacunataca quishpichircani. Sinchi runapac maquimantami cacharichircani.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

JEREMÍAS 32:18

Canca huaranga huaranga gentecunata llaquicmi cangui. Cutin ñaupa taitacuna mana allita ruhuashcamantaca quipa huahuacunatami llaquichingui. Jatun poderyuc Dioslla, cambac shutica tucuita Mandac Diosmi.

JEREMÍAS 48:15

Ñucaca Jatun Mandacmi cani. Ñuca shutica tucuita Mandac Diosmi. Moab llactaca ñami tucuringa. Llactacunapish tucuimi urmanga. Huambrarac runacunatapish cungata pitishpami huañuchinga.

JEREMÍAS 51:19

Jacobopac Mandac Diosca mana paicuna shinachu. Paica tucuita ruhuac Diosmi. Paipac shutica tucuita Mandac Diosmi. Israelcunaca pai mandana vara shinami.

JEREMÍAS 51:36

Chaimantami Mandac Diosca: «Ñucami canta llaquichishcamantaca llaquichisha. Ima shinami llaquichishca shinallatacmi paicunataca llaquichisha. Paicunapac jatun yacucunatapish, tucyacuc yacucunatapish chaquichishami.

LAMENTACIONES 3:58

Mandac Dioslla, ñuca llaquiricpica, ayudashpa, quishpichircanguimi.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

MIQUEAS 4:10

Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.