JEREMÍAS 50:25 - Dios Rimashcata Quillcashcami

²⁵ Mandac Dios ñucami macanacunata huacaichishca ucuta pascashpa, nina japiric shina piñarishpa macanacunata llucchircani. Tucuita Mandac Dios ñucami caldeocunapac llactapi ñuca ruhuana cashcata ruhuasha.

JEREMÍAS 50:25 ပူးပေါင်းရင်းမြစ်များ

SALMOS 45:3

Yalli sinchi runalla, cambac espadata cinturapi huarcuchiyari. Cambac sumac cashcahuanpish, mandana poderhuanpish chumbilliriyari.

SALMOS 45:5

Pueblocunapi causaccunaca cambac chaqui ucupimi urmanga. Cambac filosapa flechacunaca can jatun mandacta piñaccunapac shungutami chaupishpa pasanga.

ISAÍAS 13:15

Maijanta japishpaca lanzahuanmi huañuchinga. Maijanta prezushpaca espadahuanmi huañuchinga.

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

JEREMÍAS 51:25

Mandac Diosca: «Tucui llactacunata tucuchic urculla, cantaca yallitami piñani. Canmi tucui llactacunata tucuchircangui. Ñuca llaquichishpami rumi quingraita singuchisha. Shinami rupashca urcuta saquisha.

JEREMÍAS 51:55

Chaica, Mandac Diosmi Babilonia llactata tucuchishpami, caparinacushcatapish upallachinga. Paicunata piñaccunaca mama cucha shinami jataringa. Manchanayaita yacu huacac shinami shamun.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.