JEREMÍAS 50:21 - Dios Rimashcata Quillcashcami

²¹ Merataim llactapi causaccunahuan, Pecod llactapi causaccunahuan macanacungapac llucshichicyari. Ñuca mandashca shina, huañuchishpa tucuchichicyari.

JEREMÍAS 50:21 ပူးပေါင်းရင်းမြစ်များ

2 SAMUEL 16:11

Chai quipami Davidca Abisaitapish, paita serviccunatapish rimashpaca: —Ñucamanta llucshishca churillatac huañuchisha nicucpica, ¡Benjaminpac aillupuramantacarin mashnatapish rimangallami! Mandac Diosmi chashna nichun nishca canga. Chaimanta mashnatapish maldiciachun saquilla.

2 REYES 18:25

¿Cunanca, Mandac Dios manapish cachacpichu cai llactata tucuchingapac shamushcani? Mandac Diosmi ñucataca: ‘Chai llactaman rishpa tucuchigri’ nirca” nichunmi— cacharca.

2 CRÓNICAS 36:23

Persia llactata jatun mandac Ciroca: «Jahua pachapi causacuc Mandac Diosmi ñucataca cai pachapi tiyac tucui llactacunata mandachunpish, Judá llactapi tiyac Jerusalenpi paipac huasita shayachichunpish mandarca. Shina cashcamanta cancunapurapi Pai acllashca Mandac Diosta caticcuna caipi tiyashpaca, tucui Judá llactaman cutichuncuna. Paicunata Mandac Diosca paicunahuan cachun» nishpami huillarca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 48:14

Cancuna tandanacushpa uyaichic. Ruhuashcalla dioscunapuramanta, ¿pitac tucui caicunata huillacca tiyan? Mandac Dios ñuca cuyashca runami Babilonia llactataca ñuca munashcata ruhuanga. Paimi caldeocunataca mandanga.

ISAÍAS 48:15

Ñucallatacmi chashna rimashpa, cayashpa pushamurcani. Chaimantami tucui pai ima ruhuashcaca alli canga.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 50:9

Ñucami jahua llactamanta Babilonia llactata llaquichichun, sinchi llactacunata tandachishpa pushamugrini. Chai llactacuna allichirishpa shamushpami macanacushpa mishanga. Chai runacunaca mana pandarishpa, allita flechacunata shitac runacunami.

EZEQUIEL 23:23

Babilonia llacta gentecunata, caldeocunata, Pecod, Soa, Coa llacta gentecunata, Asiria llacta gentecunatami cachasha. Paicunaca alaja mosocuna, mandaccuna, soldadocunata mandaccunami. Shinallatac alli sinchi, caballocunapi alli montac, alaja mosocunami can.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.