JEREMÍAS 50:19 - Dios Rimashcata Quillcashcami

¹⁹ Israelcunataca paicunapac llactamanmi cutichimusha. Chashna cutichimucpimi, ñuca ovejacunaca Carmelo, Basán, Efraín, Galaad urcucunapi alli micushpa huirayanga.

JEREMÍAS 50:19 ပူးပေါင်းရင်းမြစ်များ

ESDRAS 2:1

Babilonia llactata jatun mandac Nabucodonosormi israelcunataca Babilonia llactaman prezu apashca carca. Paicunaca punta causashca Judá llactaman, Jerusalenman paicunapac quiquin pueblollamantacmi cutircacuna.

CANTARES 6:5

Cambac ñahuihuan ñucata chapanata saquiyari. Ñami cambac ñahuihuanca ñuca shunguta shuhuashcangui. Cambac acchaca Galaad urcu quingraita urai shamucuc manada chivocuna shinami.

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

JEREMÍAS 3:18

Chai punzhacunapica Judá ailluca Israel ailluhuanmi jahua lado llactamanta cancunapac ñaupa taitacunaman ñuca cushca llactaman shamunga.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

JEREMÍAS 30:18

Mandac Diosca: «Riquichic, Jacobopac huahua huahuacunataca prezumanta cutin llucchimushpami, paicunapac carpa huasicunataca allichisha. Paicuna causana llactaca tucurishca llacta jahuallapitacmi shayachishca canga. Mandashpa tiyana huasipish utcaman maipi cashcallapitacmi shayachishca canga.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

JEREMÍAS 31:14

Curacunatapish, ñuca acllashcacunatapish alli micunata cushpami cushichisha» ninmi.

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

JEREMÍAS 31:6

Cuidaccuna Efraín urcupi: ‘¡Mandac Diospacman jacuchic! ¡Sión urcuman huichai rishunchic!’ nishpa, caparina punzhacuna chayamungami” nircani» ninmi.

JEREMÍAS 32:37

ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

JEREMÍAS 46:27

Mandac Diosca: «Shina cacpipish, ñucata servic Jacobolla, ama manchaichu. Israelcunalla, ama manchaichicchu. Ñucami cancunataca caru llactamanta cacharichimusha. Cancunapac huahuacunatapish prezumanta quishpichimushami. Jacobopac huahuacuna cutishpaca imatapish mana manchashpami, cushilla causanga. Pipish mana manchachingachu.

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

EZEQUIEL 11:17

Chaimanta canca: “Mandac Diosca: Caita, chaita rishpa, causacucpimi, chai llactacunamanta tandachishpa, Israel llactata cusha.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

EZEQUIEL 36:33

Mandac Dios ñucaca: Cancunapac juchacunata pichai punzhami llactacunapi causachun churasha. Shinallatac tucui urmashca huasicunatapish cutinmi shayachinguichic.

EZEQUIEL 38:8

Achca punzhacuna quipaca Israel llacta urcucunaman richunmi mandasha. Chai llactaca unai huatacuna quipami llaquimanta quishpiringa. Chai llactamanmi tandanacushpa ringui. Israel llacta urcucunaman shamungui. Chaipi causaccunaca llaquinayaita tucuchishcami carca. Shina cashpapish, cunanca shuctac llactacunamanta llucshimushpami, imata mana manchashpa causan.

EZEQUIEL 47:18

Inti llucshina lado linderoca Haurán llacta, Damasco chaupita catishpa, Galaad llacta, Israel llacta chaupita catishpa, Jordán yacucamanmi canga. Inti llucshina ladopi cac jatun cucha patapi tiyac Tamar pueblocaman medinguichic. Shinami inti llucshina lado linderoca canga.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

ZACARÍAS 10:10

Ñucami paicunataca Egiptomanta pushamusha. Asiria llactamantapish tandachimushami. Paicunataca Galaad, Líbano llactacunamanmi pushamusha. Chai llactacunaca paicunaman mana pactangachu.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 32:4

tucui israelcunapac ñaupapimi Mandac Dios tucuchirca. Cai llactacunaca animalcunata mirachingapac allimi. Canta servic ñucanchicca achca animalyucmi canchic.

JOSUÉ 17:15

Shina nicpimi Josueca: —Cancuna achca cashpa, Efraín urcucunata mana pactachishpaca ferezeocunapac, refaitacunapac llactaman rishpa, sachacunata anchuchishpa, cancunapac allpata ruhuaichic— nirca.