JEREMÍAS 50:16 - Dios Rimashcata Quillcashcami

¹⁶ Babilonia llactapi causaccunataca tarpuc runatapish, cosechac runatapish huañuchichic. Jatun macanacui yallita llaquichicucpica, shuctac llactacunaman, quiquin llactacunaman, paicunapac familiacunapacmanmi cutinga.

JEREMÍAS 50:16 ပူးပေါင်းရင်းမြစ်များ

ISAÍAS 13:14

Tucuimi mancharishca taruga shina, michic illac ovejacuna shina, paicunapac pueblocunaman, paicunapac llactacunaman miticushpa cutinga.

JEREMÍAS 25:38

Mandac Dios yallita piñarishpa llaquichicpi, paicunapac llactata llaquinayaita tucuchicpimi, huahua león paipac jutcuta shitashpa ric shina, llactata shitashpa rirca.

JEREMÍAS 46:16

Soldadocunaca yallita mitcarishpami paicunapac jahuallapitac urmancuna. Chashna urmashpaca: “Jatariyari, ñucanchic llactaman, ñucanchic huacharishca llactaman jacuchic. Jatun macanacuimanta miticushpa callpashunchic” nincuna.

JEREMÍAS 51:23

Cancunahuanmi michictapish, manada ovejacunatapish, chagrata ruhuaccunatapish, yunta huagratapish, mayoralcunatapish, mandaccunatapish tucuchisha.

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

JOEL 1:11

Allpapi trabajaccunalla, uvasta pallaccunalla, llaquilla tucushpa huacaichicyari. Trigo chagrapish, cebada chagrapish llaquinayaitami chingarishca.

AMÓS 5:16

Tucuita Mandac Diosca: «Tucui plazacunapimi huacai tiyanga. Tucui ñancunapimi: “¡Aij, aij!” nishpa huacanga. Trabajac runacunatapish, allita huacanata yachaccunatapish huacachunmi cayanga.