JEREMÍAS 50:12 - Dios Rimashcata Quillcashcami

¹² Chaimantami cancunapac llactaca yallita pingaichishca saquiringa. Canta sajuaric mamaca yallita pingai tucushpa, tucui llactamanta yalli yangallami saquiringa. Shitashca pamba, chaquishca llactami saquiringa.

JEREMÍAS 50:12 ပူးပေါင်းရင်းမြစ်များ

ISAÍAS 14:22

Tucuita Mandac Diosca: «Ñuca jatarishpami Babiloniataca chingachisha. Maijan huahuacunapacpish, nietocunapacpish shuti ama ashtahuan tiyachunmi tucuchisha.

ISAÍAS 23:13

¡Caldeocunapac llactata ima tucushcata ricuichicyari! Chai llactaca ña mana tiyanchu. Chai llactataca Asiriapi causaccunami jatun torrecunata shayachishpa, mandana huasicunatapish tucuchishca. Chashnami shitashca pambapi causac animalcuna causanata ruhuarca.

JEREMÍAS 12:14

Mandac Diosca: «Ñuca acllashca israelcunaman cushca llactatapish, chai ladopi causaccunatapish llaquichiccunataca llucchishpami cachasha. Shinallatac Judá llacta gentecunatapish paicunapac chaupimanta llucchishpami cachasha.

JEREMÍAS 15:9

Canchis huahuayuc huarmica shungupi yallita llaquirishpami, huañunalla shina tucunga. Intica punzhapiracmi tutayanga. Pingaihuanmi cumuringa. Maijan saquirishcacunataca piñaccunapac ñaupapimi espadahuan huañuchichun churasha» ninmi.

JEREMÍAS 22:6

Mandac Diosca Judá llactata jatun mandacpac aillutaca: «Canca Galaad urcu shina, Líbano urcu pamba shinami cangui. Shina cacpipish, pipish mana causana shitashca pambatami saquisha.

JEREMÍAS 25:12

Canchis chunga huata tucucpimi, Babilonia llactata jatun mandactapish, chai llactapi causaccunatapish, caldeocunatapish paicuna mana allita ruhuashcamanta llaquichishpa, huiñaita shitashca pambata shina saquisha.

JEREMÍAS 25:26

Jahua llacta jatun mandaccunamanpish, cuchullapi causaccunamanpish, carupi causaccunamanpish, tucui cai pacha mandaccunamanpish curcanimi. Paicunapac quipaca Babilonia llactata jatun mandacmi ubianga.

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

JEREMÍAS 51:43

Tucui chai llactacunaca chaquishca, shitashca pambami saquirishca. Chaipica pipish mana causangachu. Pipish chaita mana pasangachu.

JEREMÍAS 51:47

Riquichic, Babilonia llactapi tiyac ruhuashcalla dioscunata llaquichina punzhami chayamun. Tucui llactami pingaipi saquiringa. Chai llacta chaupipimi huañunga.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

APOCALIPSIS 17:5

Frentepica pipish mana ricsishca quillcami tiyacurca. Chaipica: «¡Jatun Babilonialla! Cullquimanta huainayashpa causaccunapacpish, cai pachapi imatapish millaita ruhuaccunapacpish mamami cangui» nishcami carca.