JEREMÍAS 5:31 - Dios Rimashcata Quillcashcami

³¹ Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 5:31 ပူးပေါင်းရင်းမြစ်များ

1 REYES 22:6

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapac rishachu, mana cashpaca saquishachu?— nirca. Shina nicpimi paicunaca: —Rilla, Mandac Diosca chai pueblopi causaccunataca jatun mandacpac maquipimi churanga— nirca.

PROVERBIOS 17:4

Millaita ruhuac runaca mana allita rimashcatami chasquin. Llullac runapish llaquichic runa rimashcatami uyan.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 20:6

Chai punzhacunapimi mama cucha patapi causaccunaca: “¡Riquichic, ñucanchicca paicunapimi shunguta churarcanchic! ¡Asiria llactata jatun mandacpacmanmi ñucanchicta quishpichichun ric carcanchic! ¿Cunanca ima shinatac ñucanchicca quishpirishun?” ninacunga» nirca.

ISAÍAS 33:14

Sión llactapimi juchasapacunaca chucchuncuna. Chashna chucchushpaca: «Ñucanchicpuramantaca, ¿pitac tucuchic ninapi causai pudingayari? Ñucanchicpuramantaca, ¿pitac huiñai huiñaita rupacuc ninapica causai pudingayari?» ninacun.

ISAÍAS 43:27

Cancunapac punta taitapish juchata ruhuarcami. Cancunata yachachiccunapish, mana cazushpami ñucata piñachirca.

ISAÍAS 47:7

Canca: “Huiñaitami mandac huarmi casha” yuyarcanguimi. Quipa punzha llaqui tucunataca mana yuyarircanguichu.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

JEREMÍAS 26:7

Mandac Diospac huasipi Jeremías huillashcataca curacunapish, huillaccunapish, gentecunapish tucuimi uyarca.

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

LAMENTACIONES 4:18

Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

EZEQUIEL 13:10

Ñuca acllashcacunataca manapish cushi causai tiyacpimi: ‘¡Cushi causaimi tiyan!’ nishpa crichircanguichic. Chashna ruhuashpaca, pircata turuhuan llutac shinami ruhuanguichic.

EZEQUIEL 13:6

Paicuna muscushcapish yangallami, shinallatac llullashpami: ‘Mandac Diosmi chashna nin’ nishpa huillan. Ashtahuanpish ñucaca paicunataca mana cacharcanichu. Shina cacpipish, paicunaca tucui huillashcacunata ñuca pactachichunmi shuyancuna.

EZEQUIEL 22:14

Ñuca llaquichi punzhapica, ¿cambac shungupish, maquipish fuerzata charinguichu? Mandac Dios ñucami nini. Chaitaca pactachishatacmi.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

OSEAS 6:10

Israelcunapac llactapica mancharina juchatami ricushcani. Chaipimi Efraín ailluca huainayarca. Israelcunapish mapayarcami.

OSEAS 9:5

Mandac Diospac fiesta punzhapi, mana cashpaca shuctac fiesta punzhapica, ¿imatac paicunaca ruhuancuna?

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

MIQUEAS 2:6

Paicunaca: “¡Ama huillaichicchu! ¡Chaicunamanta ama huillaichicchu! ¡Ima llaquipish mana japingachu!” nincunami.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

SOFONÍAS 3:4

Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!