JEREMÍAS 5:22 - Dios Rimashcata Quillcashcami

²² ¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

JEREMÍAS 5:22 ပူးပေါင်းရင်းမြစ်များ

GÉNESIS 1:9

Shinallatac Diosca: «Chaquishca allpa tiyachun, cai pacha yacuca shucllaman tandarichun» nirca. Shina nicpica, chashnatacmi saquirirca.

1 REYES 13:28

Chai burropi rishpami, Diospaclla runataca ñanpi huañushca siricucta tarirca. Shinallatac burropish, leonpish chai huañushcapac ladollapimi shayacushca carca. Leonca huañuchishpapish mana micushcachu carca. Burrotapish mana imata ruhuashcachu carca.

JOB 26:10

Paimi achic-huan, amsahuan tucuringacaman, maicaman yacu tiyanatapish linderota churarca.

JOB 37:24

Chaimantami runacunaca paita manchancuna. Paimanca shungupi jatun tucushcacunaca yangallami» nirca.

JOB 38:8

¿Pitac, allpa ucumanta mama cucha llucshishpa talliricpi, pungucunata churashpa huichcarca?

SALMOS 104:9

Maicaman can churashca pushtumantaca mana pasangachu. Allpatapish mana cutin tapangachu.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SALMOS 33:7

Paimi mama cucha yacucunataca montonashpa charin. Tucui jatun yacucunatami huacaichishpa churan.

SALMOS 46:3

Yacu puscuta shitashpa tulun nicucpipish, urcucuna cuyuricpipish mana manchashunchu.

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

PROVERBIOS 8:29

Mama cucha yacu maiman richun, mandacucpipish chaipimi carcani. Cai pacha callari rumicunata churacucpipish chaipimi carcani.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 64:2

Cunyacuc nina rupachicuc shina, nina cunyashpa yacuta timbuchic shinami chucchunga. Chashna tucucpica, cambac shutitaca canta piñaccuna ricsinmanmi. Llactacunapi causaccunapish cambac ñaupapi chucchunmanmi.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

AMÓS 4:12

Israelcunalla, chaimantami cancunataca chashna llaquichisha. Chaimanta cancunata Mandac Dios ñucahuan tupangapac allichirichic» ninmi.

AMÓS 9:6

Mandac Diosmi jahua pachapi huasichicun. Cai pacha callari rumitaca caipimi churashca. Paimi mama cuchata tandachishpa, allpa jahuapi shitacun. ¡Paica Mandac Diosmi!

JONÁS 1:16

Chaita ricushpami, chai runacunaca yallita mancharishpa, animalta huañuchishpa, Mandac Diosman curca. Shinallatac ashtahuan servishunmi nircacuna.

NAHÚM 1:4

Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

MARCOS 4:39

Jesús jatarishpa, huairatapish cuchatapish rimashpaca: —¡Casilla cai!— nishpami, nircami. Shina nicpimi, huairapish, cuchapish casilla tucurca.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.