JEREMÍAS 49:31 - Dios Rimashcata Quillcashcami

³¹ Imatapish mana manchashpa, paicunalla cushilla causac gentecunata llaquichigrichic. Paicunaca pungucunapish mana aldabashca llactacunapimi causan.

JEREMÍAS 49:31 ပူးပေါင်းရင်းမြစ်များ

SALMOS 123:4

Cushilla causaccunaca burlashpami asincuna. Jatun tucushpa llaquichiccunaca millanayachincunami. Chaimantami ñucanchic almaca yallita shaicushca.

SALMOS 73:12

Riquichic, Diosta mana manchaccunaca imapish mana tucushpami jahualla chayucyancuna.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

ISAÍAS 32:9

Imatapish mana llaquic huarmicuna ñuca rimashcata jatarishpa uyaichicyari. Ima llaqui shamunata mana yuyaric huarmicuna ñuca imata yuyarishpa huillashcata uyaichicyari.

ISAÍAS 42:11

Shitashca pambapish, chaipi tiyac llactacunapish, chai muyundipi causac Cedar aillucunapish alabaichicyari. Sela llactapi causaccunapish, yallita cushicushpa urcucunaman llucshishpa cantaichicyari.

ISAÍAS 47:8

Sumac churanata churarishca, ima llaqui japinata mana yuyarishpa causac huarmilla, cunanca caita alli uyai. Canca cambac shungupica: “Ñucallami mandac cani, shuctac mandacca mana tiyanchu. Viudapish, huahuacuna illacpish mana tucushachu” yuyarcanguimi.

JEREMÍAS 48:11

Moab llactapi causaccunaca huambramanta pachami cushilla causarca. Vinoca shuc puñullapi cashpaca mishquillami. Sumac ashnaipish mana chingarinchu. Shinami Moabca shuc puñumanta shuc puñuman vinota pasachicpi, sumac ashnaita mana chingachic shina, shuctac llactaman mana prezu apashca cashca.

EZEQUIEL 30:9

Chai huatacunapica huillaccunami barcocunapi imatapish mana manchac Etiopía llactata manchachingapac ringa. Egipto llactata llaquichicpi, mancharishca shinallatacmi mancharinga. ¡Chai punzhaca ñami chayamun!

EZEQUIEL 38:11

Chaimantami canca: ‘Muyundita mana pircashca, punguta mana aldabashca, macanacunata mana yachac llactacunaman rishpa, chai cushilla causac gentecunata llaquichingapacmi rigrini.

EZEQUIEL 39:6

Magog llactatapish, mama cucha ladopi causac gentecunatapish ninata churashpami tucuchisha. Shina ruhuacpimi, ñucataca Mandac Dios cashcata yachangacuna.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

NAHÚM 1:12

Chaimantami Mandac Diosca: “Paicunaca sinchi cashpapish, achca cashpapish, tucui huañuchishcami canga. Cantaca yallitami llaquichircani, ña mana ashtahuan llaquichishachu.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

NÚMEROS 23:9

Ñucaca jatun urcu patamantapish, lomacunamantapish israelcunataca paicunalla causac cashcatami ricuni. Paicunaca shuctac llactacunahuanpish mana chapuriclla gentecunami nini.

DEUTERONOMIO 33:28

Israelca mana manchashpami causanga. Jacobomanta mirashca israelcunaca paicunallami grano allpapi, uvas chagra allpapi causanga. Jahua pachamanta urmac sumac garua tamyapish mana illangachu.