JEREMÍAS 49:30 - Dios Rimashcata Quillcashcami

³⁰ Hazorpi causaccunalla, chashna quichucpimi paicunaca: caruman rishpa, jatun huaicucunapi miticuichicyari. Babilonia llactata jatun mandac Nabucodonosorca cancunata llaquichingapacmi ima shina japinata yuyarishca.

JEREMÍAS 49:30 ပူးပေါင်းရင်းမြစ်များ

ISAÍAS 10:7

Paica chashna ruhuacushcataca mana yuyaringachu. Shungullapipish mana yuyaringachu. Ashtahuanpish achca llactata tucuchishpa chingachinallatami yuyaricunga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 27:6

Cunanca, tucui cai llactacunatami Babilonia llactata jatun mandac ñucata servic Nabucodonosorpac maquipi churarcani. Sacha animalcunacamanmi paita servichun paipac maquipi churani.