JEREMÍAS 48:37 - Dios Rimashcata Quillcashcami

³⁷ Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

JEREMÍAS 48:37 ပူးပေါင်းရင်းမြစ်များ

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

1 REYES 18:28

Paicunaca ashtahuan sinchita caparishpami, paicuna ruhuana cashca shinallatac cuchillocunahuan, lanzacunahuan chugrichishpa yahuarsapa tucurcacuna.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

2 REYES 6:30

Chai huarmi chashna nicta jatun mandac uyashpaca, paipac churanata lliquirishpami, chai lliqui churanallahuantac chai pirca jahuata puricurca. Chashna puricucpimi, gentecunaca sharpa churanahuan paipac cuerpota tapashcata ricurca.

1 CRÓNICAS 19:4

Shina nicpimi, Hanunca Davidta serviccunata japishpa barbasta pitichishpa, churanacunatapish cinturamanta uraiman pitishpa cacharca.

ISAÍAS 20:2

Mandac Dios Amozpac churi Isaiasta rimashpaca: «Caimanta rishpa, can churarishca sharpa churanatapish, cambac ushutatapish llucchi» nirca. Shina nicpimi, churana illac, lluchu chaquilla purirca.

ISAÍAS 3:24

Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

ISAÍAS 37:1

Chashna nicpimi, jatun mandac Ezequiasca paipac churanata lliquirishpa, sharpa churanata churarishpa, Mandac Diospac huasiman shamurca.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

JEREMÍAS 47:5

Gaza runacunaca llaquirishpami, uma acchata pitinga. Ascalonpi causaccunaca tucuringami. Pugru pambacunapi causaccuna, ¿ima horascamantac quiquin aichata chugriringuichic?

JEREMÍAS 49:3

Hai llactaca ñami tucurishca. Chaimanta Hesbón runacunalla, caparishpa huacaichicyari. Rabá runacunalla, caparishpa huacaichicyari. Sharpa churanata churarishpa, llaquilla tucushpa, pirca huashata muyuichicyari. Cancunapac Milcom diostaca curacunandi, mandaccunandimi ña prezu apashca.

EZEQUIEL 27:31

Canmantami acchata pitirishpa, sharpa churanata churaringa. Canmantaca shungupi llaquirishpami, yallita huacanga.

EZEQUIEL 29:18

«Huañunalla runa, Babilonia llactata jatun mandac Nabucodonosorca Tiro llactata atina yuyaihuanmi caita, chaita ruhuarca. Chaimantami paica uma acchapish pilarishca, huasha lomotapish chugririshca. Chashna Tiro llactata llaquichishcamantaca paipish, paipac soldadocunapish imata mana japircachu.

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

LEVÍTICO 19:28

Maijan huañushcamanta ama cancunapac cuerpota chugringuichicchu, ama cancunapac cuerpopi imapish ricunacunata ruhuanguichicchu. Ñucami Mandac Dios cani.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

MIQUEAS 1:16

Judá llactalla, cancunapac cuyashca huahuacunamantaca llaquirishpa, acchata ruturichicyari. Cancunahuan causaccunata shuctac llactaman prezu apashcamantaca jatun anga shina, lluchu uma tucuichicyari.

MARCOS 5:5

Tutapish, punzhapish urcucunapi, panteoncunapi sinchita caparishpa, paillatac rumihuan chugririshpami puric carca.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.