JEREMÍAS 48:28 - Dios Rimashcata Quillcashcami

²⁸ ¡Moab llactapi causaccunalla, chaimanta llucshishpa, rumi quingraicunapi, jatun patapi paloma shina, cuzhata ruhuashpa causagrichic!

JEREMÍAS 48:28 ပူးပေါင်းရင်းမြစ်များ

GÉNESIS 8:12

Chaimanta canchis punzhata shuyashpami, cutinllatac palomata cacharirca. Chashna cacharicpica, palomaca ña mana cutircachu.

CANTARES 2:14

Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

JEREMÍAS 48:9

Moab llacta volashpa richun alasta cuichicyari. Chaipi tiyac llactacunaca shitashca pambami saquirigrin. Shuc runallapish mana tiyangachu» ninmi.

JEREMÍAS 49:16

Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

JEREMÍAS 49:8

Dedanpi causaccunalla, huashaiman cutishpa callpaichicyari. Esaupac huahuacunapac llaqui punzhaca ñamari chayamugrin. Huaicucunapi miticuichicyari.

JUECES 6:2

Madianitacuna israelcunata yallita llaquichicpimi, paicunaca urcucunapi, machaicunapi, mai pacallacunapi miticurca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.