JEREMÍAS 46:6 - Dios Rimashcata Quillcashcami

⁶ Yallita callpac runapish, mana callpai pudinchu. Yalli sinchi runapish mana ati pudinchu. Jahua lado Eufrates yacu ladopimi huactarishpa urmancuna.

JEREMÍAS 46:6 ပူးပေါင်းရင်းမြစ်များ

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

2 REYES 24:7

Egipto jatun yacumantaca Eufrates jatun yacucaman Babilonia llactata jatun mandac quichucpimi, Egipto llactata jatun mandacca paipac llactamanta mana ashtahuan llucshirca.

SALMOS 27:2

Millaita ruhuaccunapish, ñucata llaquichiccunapish, ñucata piñaccunapish, ñucata tucuchingapac, tandanacushpapish paicunaracmi mitcarishpa urmarca.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ISAÍAS 8:15

Paicunapuramanta taucacunami urmashpa huañunga. Maijancunaca mitcarishpa, llaqui tucushpami prezuringa.

JEREMÍAS 1:14

Shina nicpimi, Mandac Diosca: «Jahua ladomantami cai llactata llaquichingapac shamugrin.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 4:6

¡Sión ladoman banderata alzaichicyari! ¡Ama unaiyashpa miticungapac callpaichic! Jahua lado llactamantami yalli llaquichicta cachagrini. Chaica yalli llaquimi canga.

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

JEREMÍAS 46:12

Cancunata pingaichishcataca shuctac llactacunapish ñami yachan. Cancuna caparishcaca tucui cai pachapimi uyarin. Sinchi soldadoca caishuc sinchi soldadohuan huactarishpami urman» nishpami huillarca.

JEREMÍAS 46:16

Soldadocunaca yallita mitcarishpami paicunapac jahuallapitac urmancuna. Chashna urmashpaca: “Jatariyari, ñucanchic llactaman, ñucanchic huacharishca llactaman jacuchic. Jatun macanacuimanta miticushpa callpashunchic” nincuna.

JEREMÍAS 50:32

Jatun tucushca runaca chacnarishpami urmanga. Paitaca pi mana jatarichingachu. Paipac llactacunataca ninata japichishpami, tucui muyundi llactacunandi uchupata saquisha» ninmi.

JEREMÍAS 6:1

Benjaminpac huahuacunalla, jahua lado llactamantami cancunata llaquichishpa tucuchicca shamucun. Chaimanta Jerusalenmanta llucshishpa, Tecoa llactapi cornetapi tocaichic. Bet-haquerem llacta ladopi cushnichishpa ricuchichicyari.

DANIEL 11:19

Chai quipami paica paipac llactapi tiyac jatun torreman cutinga. Chaiman cuticpipish huañuchingami. Ña mana ashtahuan ricuringachu.

DANIEL 11:22

Paihuan churacuc runataca yacu jundamuc shina shamushpami, paipac ñaupapi tucuchinga. Paihuan ari ninacuc runatapish tucuchingami.