JEREMÍAS 46:26 - Dios Rimashcata Quillcashcami

²⁶ Paicunata huañuchisha niccunapac maquipi, Babilonia llactata jatun mandac Nabucodonosorpac maquipi, jatun mandacta serviccunapac maquipimi churasha. Shina cashpapish, quipataca punta punzhacuna shinallatacmi Egipto llactapi causanga. Chaitaca Mandac Dios ñucami nini.

JEREMÍAS 46:26 ပူးပေါင်းရင်းမြစ်များ

ISAÍAS 19:4

Egiptopi causaccunataca yallita llaquichic millai amopac maquipimi churasha. Shina ruhuacpimi, jatun mandacca paicunataca sinchita mandanga» ninmi. Chaitaca tucuita Mandac Diosmi nin.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 48:47

Shina cacpipish, tucuri punzhacunapimi Moab llactapi causaccunataca prezumanta cutin cutichimusha. Chaitaca Mandac Dios ñucami nini» ninmi. Moab llactata llaquichina cashcata huillashcaca caicamanllami.

JEREMÍAS 49:39

Shina ruhuashpapish, tucuri punzhacunapica Elam llactamanta prezu apashca gentecunataca cutichimushami. Chaitaca Mandac Dios ñucami nini» ninmi.

EZEQUIEL 32:11

Mandac Dios ñucaca: Babilonia llactata jatun mandacpac espadami canta llaquichingapac shamunga.

AMÓS 9:11

Mandac Diosca: «Chai punzhapica Davidpac carpa huasi urmashcataca cutinmi allichishpa shayachisha. Pirca chictarishcatapish, urmashcatapish allichishpami shayachisha. Chashna tucuita allichishpami, ñaupa punzhacunapi cashca shinallatac paicunata allichisha.