JEREMÍAS 46:25 - Dios Rimashcata Quillcashcami

²⁵ Israelcunapac tucuita Mandac Diosca: «Ñucaca Tebas llacta Amón diosta llaquichishami. Faraontapish, pai mandacuc Egipto llactatapish, paicunapac dioscunatapish, paicunapac mandaccunatapish llaquichigrinimi. Faraontapish, paipi shunguta churashpa causaccunatapishmi llaquichisha.

JEREMÍAS 46:25 ပူးပေါင်းရင်းမြစ်များ

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 49:3

Hai llactaca ñami tucurishca. Chaimanta Hesbón runacunalla, caparishpa huacaichicyari. Rabá runacunalla, caparishpa huacaichicyari. Sharpa churanata churarishpa, llaquilla tucushpa, pirca huashata muyuichicyari. Cancunapac Milcom diostaca curacunandi, mandaccunandimi ña prezu apashca.

EZEQUIEL 30:22

Chaimantami Mandac Dios ñucaca: Egipto llactata jatun mandac Faraontaca, paipac alli rigratapish, paquishca rigratapish paquishami. Chashnami maquipi charicuc espadataca cacharichisha.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.