JEREMÍAS 44:17 - Dios Rimashcata Quillcashcami

¹⁷ Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

JEREMÍAS 44:17 ပူးပေါင်းရင်းမြစ်များ

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 CRÓNICAS 28:23

Paica, paita llaquipi churashca Damasco pueblopi tiyac dioscunallamanmi animalcunata cushpa huañuchirca. Paica: «Siria llactata jatun mandaccunapac dioscunaca paicunataca ayudarcami. Ñucatapish ayudachun animalcunata paicunaman cushpa huañuchisha» nishpami shina ruhuarca. Ashtahuanpish chai dioscunallatacmi paitapish, tucui israelcunatapish yalli llaquipi churarca.

NEHEMÍAS 9:34

Ñucanchicta jatun mandaccunapish, ñucanchic curacunapish, ñucanchic ñaupa taitacunapish, can cushca mandashcacunataca, mana pactachircacunachu. Can mandashca shimicunata, ima shina causachun yachachishcacunata huillacpipish, mana uyarcacunachu.

SALMOS 106:6

Ñucanchic ñaupa taitacuna shinallatacmi juchata ruhuashcanchic. Mana allita ruhuashpami juchallishcanchic.

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

ÉXODO 16:3

Paicuna rimarishpaca: —¡Mandac Dios, cai tucui gentecunata cai shitashca pambaman apamushpa, huañuchinapac randica, Egiptollapitac huañuchishca cashpachari alli canman carca! Chaipica aicha mangacunahuan tiyarishpami, huicsa pactata micuc carcanchic— nirca.

ISAÍAS 48:5

Cancuna: “Caspita llacllashpa, fierrota yacuyachishpa ruhuashca dioscunami caitaca cachashca” ama nichunmi, utca huatallapitac ña huillarcani. Ñuca huillashca manarac pactacpimi, ña huillarcani.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 11:12

Judá llactacunapi causaccunapish, Jerusalenpi causaccunapish paicuna inciensota cushnichishpa adorana dioscunata caparishpa mañangapac ringacunami. Chai dioscunaca paicuna llaqui punzhapi cacpica, mana quishpichi pudingachu.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 19:13

Jerusalenpi tiyac huasi jahuacunapipish, Judá llactata jatun mandaccunapac huasi jahuacunapipish jahua pachapi tiyac lucerocunamanmi inciensota cushnichirca. Shinallatac shuctac dioscunamanpish vinota cushpami tallirca. Chaimantami chai huasicunaca Tofet pamba shinallatac mapayashca” ninmi ningui» nirca.

JEREMÍAS 44:21

«Cancunapac ñaupa taitacunapish, cancunata jatun mandaccunapish, shuctac mandaccunapish, Judá llacta llactacunapi, Jerusalén ñancunapi shuctac dioscunaman inciensota rupachishcataca, ¿mandac Diosca cungarishcangachu? Mana cashpaca chaicunata ruhuashcataca, ¿manachu ricushca canga?

JEREMÍAS 44:25

Israelcunapac tucuita Mandac Diosca: “Cancunapish, cancunapac huarmicunapish quiquin shimihuan rimashcataca quiquin maquihuanmi pactachicunguichic. Cancunaca: ‘Jahua pacha jatun mandac huarmi diosmanmi inciensota rupachishun, vinotapish cushpa tallishun’ nishcatami pactachicunguichic. Paiman imata cusha nishcataca pactachicunguichictacmi.

JEREMÍAS 44:9

¿Cancunapac ñaupa taitacunapish, Judá llactata jatun mandaccunapish, paicunapac huarmicunapish, cancunapish, cancunapac huarmicunapish Judá llactapi, Jerusalén ñancunapi yalli mana allita ruhuashcataca, manachu yuyaringuichic?

JEREMÍAS 7:17

¿Manachu Judá llactacunapi, Jerusalén ñancunapi mana allita ruhuacuctaca ricungui?

JEREMÍAS 7:18

Huahuacunaca yantatami tandan. Taitacunaca ninatami japichin. Huarmicunaca jahua pachata mandac huarmi diosman cungapacmi tandata masancuna. Shuctac dioscunaman ofrendata cushpami, vinota tallin. Chashna ruhuashpami, ñucataca yallita piñachincuna.

EZEQUIEL 20:32

Cancunaca: ‘Shuctac llactapi causaccuna shina, shuctac gentecuna shina caspimanta, rumimanta ruhuashca dioscunata servishpa causashunchic’ ninguichicmi. Cancuna yuyashcaca mana pactangachu.

EZEQUIEL 20:8

Ashtahuanpish paicunaca ñucata mana cazushpami piñachirca. Ruhuashcalla dioscunataca paicunapac ñaupamanta mana anchuchisha nircachu. Egiptopi tiyac ruhuashcalla dioscunatapish mana saquircachu. Chaimantami Egipto llactapi paicunata llaquichishpa, ñuca piñarishcataca pasachinata munarcani.

EZEQUIEL 23:41

Allichishca miza ladopi cac sumac tiyarinapimi tiyarirca. Chai miza jahuallapitacmi ñuca inciensotapish, aceitetapish churarca.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

HABACUC 1:16

Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

NÚMEROS 30:12

Ashtahuanpish paipac cusa ima punzha yachac chayashpa jarcacpica, pai ari nishcataca mana pactachishpa saquinallami can. Chai ari nishcata pactachinata cusa jarcashcamantaca ñucaca perdonashami.

NÚMEROS 30:2

“Maijanpish Mandac Dios ñucapacta ruhuasha nishpa, mana cashpaca quiquin shimihuan ari nishpaca pactachinatacmi can. Pai imata ruhuangapac nishca shinallatacmi ruhuana can.

MARCOS 6:26

Mandac Herodesca yallitami llaquirirca. Shina cashpapish, chaipi caccunapac ñaupapi ari nishcamantami “mana cushachu” ninataca, mana pudirca.

DEUTERONOMIO 23:23

Cancunapac shimihuan cusha nishcataca pactachinami canguichic. Mandac Diosman cushami nishcata, cunami canguichic. Chashnami cancunapac shimihuan cusha nishcata pactachina canguichic.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,

JUECES 11:36

Shina nicpimi ushica: —Ñuca taitito, cambac shimihuan Mandac Diosman ñucata cushami nishca cashpaca chashnallatac ruhuailla. Mandac Diosmi amonitacunataca canta llaquichishca shinallatac cambac maquipi churashpa llaquichishca— nirca.