JEREMÍAS 44:14 - Dios Rimashcata Quillcashcami

¹⁴ Puchushca Judá llacta gentecunaca Egipto llactapimi causangapac rirca. Chaicunamantaca shucllapish mana causac saquiringachu. Judá llactapi causangapac cutingapacca shucllapish mana saquiringachu. Paicunaca Judá llactaman cutishpa, causanatami yallita munan. Shina cashpapish, mana cuti pudingachu. Maijan miticushpa llucshiccunallami Judá llactamanca cutinga» nirca.

JEREMÍAS 44:14 ပူးပေါင်းရင်းမြစ်များ

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

JEREMÍAS 22:10

Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

JEREMÍAS 42:17

Egipto llactaman cutishpa, chaipi causagrinata munaccunaca shucllapish mana saquirishpami, jatun macanacuipi yarcaihuan, jatun ungüihuan huañunguichic. Ñuca chaipi causaccunata llaquichicpica, shucllapish mana quishpiringuichicchu. Chaitaca Mandac Dios ñucami nini.

JEREMÍAS 42:22

Chaimanta cunanca caita alli yachacuichic. Chaica, cancuna causagrinata munashca llactapica, jatun macanacuipi yarcaihuan, jatun ungüihuanmi huañunguichic» nirca.

JEREMÍAS 44:26

Chaimanta Egipto llactapi causac Judá gentecuna Mandac Dios rimashcata uyaichic. Paica: Egipto llactapi causac Judá gentecunamanta maijanllapish: ‘Mandac Diosca causacunmi’ nishpaca, ñucata ña mana mañangachu, ña mana yuyaringachu. Caitaca Mandac Dios ñuca shutipimi nini.

EZEQUIEL 20:38

Chashnami cancunapuramantaca ñucata mana cazushpa cariyaccunata anchuchisha. Paicunaca mana Israel llactamanca yaicungacunachu. Shina ruhuacpimi, ñucataca Mandac Dios cashcata yachanguichic.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

ROMANOS 2:3

Canpish chashnallatac ruhuacushpa, shuccunata juchanchishpaca, ¿Dios taripashpa llaquichinamanta anchuri pudinguichu?

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.