JEREMÍAS 42:20 - Dios Rimashcata Quillcashcami

²⁰ Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

JEREMÍAS 42:20 ပူးပေါင်းရင်းမြစ်များ

SALMOS 18:44

Ñuca mañashcata uyashcahuanmi cazurcacuna. Shuctac llactamanta gentecunami ñucata alli nincuna.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.

JEREMÍAS 37:3

Jatun mandac Sedequías Selemiaspac churi Jucalta, Maasiaspac churi Sofonías curata Dios ima nishcata huillac Jeremiaspacman cachashpaca: «Ñucanchicmanta ñucanchicta Mandac Diosta mañaiyari» nichunmi cacharca.

JEREMÍAS 38:14

Jutcumanta llucchishca quipami jatun mandac Sedequiasca Dios ima nishcata huillac Jeremiasta paipac ñaupaman pushamuchun cacharca. Paica Mandac Diospac huasiman yaicuna ishcaipac cati pungu ladopimi tiyacurca. Chaipimi jatun mandacca Jeremiastaca: —Caitami tapusha nini. Ama imata pacashpa tucui huillangui— nirca.

JEREMÍAS 42:2

Dios ima nishcata huillac Jeremiaspacman shamurca. Paicunaca: —Ñucanchic mañashcata uyaiyari. Ñucanchicmantapish, maijan saquirishca gentecunamantapish Mandac Diosta mañaiyari. Ñucanchicca achca cashpapish ashallami saquirishcanchic. Chaitaca canllatac ricunguimi.

JEREMÍAS 42:5

Shina nicpimi, paicunaca Jeremiastaca: —Mandac Dios tucui canman nishcatami ruhuashun. Ñucanchic nishca shinatac mana ruhuacpica, cashcata nic, imatapish pactachic Mandac Diosllatac ricuchun.

JEREMÍAS 43:2

Asaiaspac churi Azariaspish, Careapac churi Johananpish, jatun tucushca runacunapish, Jeremiastaca: «¡Canca llullacunguimi! Mana Mandac Dioschu: “Ama Egiptopi causagrichu” nichun cachashca canga.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

NÚMEROS 16:38

Chai inciensota rupachinacunaca quiquinllatac juchallishpa huañushcacunapacmi. Cunanca cai inciensota rupachinacuna ñucapaclla cashcamanta altarta quillpangapac yacuyachi. Caicunaca ñucapac ñaupapi inciensota churashpa rupachinacunami carca. Cai shina ruhuashcaca tucui israelcunapac shuc yuyarinami canga” ningui» nirca.

NÚMEROS 17:3

Levipac huasi ucupurata pushacpac taunapica Aaronpac shutita quillcangui. Chaica, huasi ucupurata cada pushaccunapacmi shuc tauna tiyanga.

SAN MATEO 22:35

Paicunapuramanta mandashcata shuc yachachic, Jesusta pandachisha nishpa tapushpaca:

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

SANTIAGO 1:22

Dios rimashcacunataca ama uyaccunalla caichicchu, pactachiccunatac caichic. Chashna uyaccunalla cashpaca, cancunallatacmi pandaringuichic.