JEREMÍAS 40:14 - Dios Rimashcata Quillcashcami

¹⁴ Chashna shamushpami paicunaca: «¿Manachu amonitacunata jatun mandac Baalis Netaniaspac churi Ismaelta canta huañuchichun cachashcata yachangui?» nirca. Shina nicpipish, Ahicampac churi Gedaliasca mana crircachu.

JEREMÍAS 40:14 ပူးပေါင်းရင်းမြစ်များ

ISAÍAS 26:10

Mana allita ruhuac runaca paita llaquicpipish, cashcata ruhuanataca mana yachacungachu. Allita ruhuaccunapac llactapi causashpapish mana allitami ruhuan. Can Mandac Dios jatun cashcataca mana yuyarinchu.

JEREMÍAS 25:21

Edom, Moab, Amón llactapi causaccunamanpish curcani.

JEREMÍAS 40:13

Chaimantami Careapac churi Johananpish, miticushpa saquirishca mandac soldadocunapish Gedaliaspacman Mizpa llactaman shamurca.

JEREMÍAS 40:8

Chai quipami paicunaca Gedaliaspacman Mizpa llactaman shamurca. Paicunaca Netaniaspac churi Ismael, Careapac churi Johanán, Jonatán, Tanhumetpac churi Seraías, Netofatitapuramanta Efaipac churicuna, Maaca llactapi causac runapac churi Jezaniasmi carca. Tucui paicunapac soldadocunandimi shamurca.

JEREMÍAS 41:1

Chai huata, canchis quillapimi jatun mandacpac huahuapuramanta Netaniaspac churi Elisamapac nieto Ismaelca caishuc chunga mandaccunahuan Gedaliaspacman Mizpa llactaman shamurca. Chashna shamushpami, chaipi tandanacushpa micurca.

JEREMÍAS 41:10

Chai quipami Ismaelca Mizpa llactapi saquirishca jatun mandacpac ushicunatapish, shuctac gentecunatapish prezu aparca. Paicunataca soldadocunata mandac Nabuzaradanmi Ahicampac churi Gedaliasman mingashca carca. Netaniaspac churi Ismaelca tucui prezushpami amonitacunapacman rirca.

JEREMÍAS 41:2

Ña micushpami, Netaniaspac churi Ismaelca paihuan cac chunga runacunahuan jatarishpa Safanpac churi Ahicampac nieto Gedaliasta espadahuan huañuchirca. Shinami Babilonia llactata jatun mandac chai llactata mandachun churashca runata huañuchirca.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.