JEREMÍAS 37:17 - Dios Rimashcata Quillcashcami

¹⁷ Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

JEREMÍAS 37:17 ပူးပေါင်းရင်းမြစ်များ

1 REYES 22:15

Micaías jatun mandacpacman chayacpimi, jatun mandacca: —Micaías, ¿Galaad llacta Ramot pueblopi causaccunahuanca macanacungapac rishunchu, mana cashpaca saquishunchu?— nirca. Shina nicpimi paica: —Rilla, Mandac Diosmi jatun mandacpac maquipi churanga. Chaimanta canca atinguimi— nirca.

1 REYES 22:16

Shina nicpimi, jatun mandacca: —¿Mashna cutin mana llullashpa chashna canatatac Mandac Diospac shutipi huillai nicushayari?— nirca.

2 REYES 25:7

Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

JEREMÍAS 15:11

Mandac Dioslla, ñuca mana allita servishca cacpi, ñucata piñaccuna llaquihuan cacpi, paicunamanta mana mañashca cacpica, paicuna mana alli nishcaca pactachunlla.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 24:8

Cutin maita mana micuipac mana alli higocunaca Judá llactata jatun mandac Sedequías, pai churashca mandaccuna, Jerusalenpi causacpuramanta saquirishcacuna, Egipto llactapi causaccunami.

JEREMÍAS 25:35

Michiccunapish mana miticuna pushtuta charingachu. Mandaccunapish mana quishpiri pudingachu.

JEREMÍAS 37:3

Jatun mandac Sedequías Selemiaspac churi Jucalta, Maasiaspac churi Sofonías curata Dios ima nishcata huillac Jeremiaspacman cachashpaca: «Ñucanchicmanta ñucanchicta Mandac Diosta mañaiyari» nichunmi cacharca.

JEREMÍAS 38:5

Shina nicpimi, jatun mandac Sedequiasca: —Jatun mandac cashpapish, mana jarcai pudinichu. Cancuna munashcata ruhuaichiclla— nirca.

JEREMÍAS 52:8

Ashtahuanpish caldeocuna catishpa rishpami, jatun mandac Sedequiastaca Jericó pambapi japirca. Paita japicpica, tucui soldadocunami shitashpa rirca.

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

NÚMEROS 23:17

Balaam cutimushpaca, Balac Moab llactata mandaccunandi tucui rupacuc ladopi shayacuctami ricurca. Chaipimi Balacca: —Mandac Diosca, ¿imatatac nin?— nirca.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.