JEREMÍAS 36:5 - Dios Rimashcata Quillcashcami

⁵ Chai quipami Jeremiasca Baructaca: «Ñucaca Mandac Diospac huasiman mana yaicui pudinichu.

JEREMÍAS 36:5 ပူးပေါင်းရင်းမြစ်များ

NEHEMÍAS 6:10

Chai quipami ñucaca Delaiapac churi, Mehetabelpac nieto Semaiaspac huasiman rircani. Semaiasca paipac huasipimi huichcarishpa tiyacurca. Chaipimi paica: —Canta huañuchingapac shamungacunami. Chaimanta Mandac Diospac huasipi tandarishpa, pungucunata huichcarishunchic, ¡Ari, cunan tutallatacmi canta huañuchingapac shamungacuna!— nirca.

SALMOS 88:8

Ñuca ricsishcacunatapish tucuimi ñucamanta caruyachishcangui. Paicunapac ñaupapica piñanatami ruhuashcangui. Ñucaca prezushca shinami cani. Mana llucshi pudinichu.

JEREMÍAS 20:2

Chaita uyashpami Jeremiasta macachishpa, Benjamín llacta ladoman llucshina jahua lado pungupi tiyac shuc caspi jutcucunapi chaquita canichishpa prezu churarca. Chai ñanllatatacmi Mandac Diospac huasimanpish rina carca.

JEREMÍAS 32:12

Chai documentotaca ñuca tiopac churi Hanameelpac, shutita churac testigocunapac, cárcel ladopi shayacuc Judá llacta tucui runacunapac ñaupapimi Neriaspac churi, Maasiaspac nieto Barucman curcani.

JEREMÍAS 32:2

Chai punzhacunapica Babilonia llactata jatun mandacpac soldadocunami Jerusalentaca muyunacushpa chapacurca. Chai punzhapica Dios ima nishcata huillac Jeremiasca Judá llactata jatun mandacpac huasi canzhapimi prezu carca.

JEREMÍAS 33:1

Cárcel canzha pambapi Jeremías prezu cacpimi, cutinllatac Mandac Diosca:

JEREMÍAS 37:15

Mandaccunaca yallita piñarishpami, Jeremiastaca macashpa, quillcac Jonatanpac huasipi prezu churarca. Chai huasitaca carceltami ruhuarca.

JEREMÍAS 38:28

Shinami Jeremiasca Jerusalén llactata caldeocuna japingacaman cárcel pungupi tiyacurca.

JEREMÍAS 38:6

Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

JEREMÍAS 40:4

Cunanmi cadenahuan huatashcataca maquimanta cacharichini. Ñucahuan Babilonia llactaman risha nishpaca jaculla. Cantaca ñucami cuidasha. Cutin Babilonia llactaman mana rishpa, caipi saquirisha nishpaca saquilla. Riqui, cai tucui llactacunami cambac ñaupapi, maimanmi risha ningui, chaiman rilla.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Caitaca yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

EFESIOS 3:1

Chaimantami ñucaca Jesucristopacta ruhuacushcamanta, cancuna mana israelcunapac allipac caipi prezu cani.

EFESIOS 6:20

Diosmi ñucataca alli huillaita huillachun cacharca. Chaita huillacushcamantami cunanca prezu cani. Diosmanta imata mana manchashpa ñuca huillangapac Diosta mañaichic.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.