JEREMÍAS 36:24 - Dios Rimashcata Quillcashcami

²⁴ Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.

JEREMÍAS 36:24 ပူးပေါင်းရင်းမြစ်များ

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

2 SAMUEL 1:11

Chaimantami Davidca munai llaquirishpa, paipac churanata lliquicpi, paihuan cac gentecunapish chashnallatacmi ruhuarca.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

JOB 15:4

Diosta manchanatapish yangalla cashcatami ruhuangui. Diospac ñaupapi mañanatapish mana valichinguichu.

SALMOS 36:1

Diosta mana manchac runamanca millai yuyaimi paipac shungupi rimacun. Paica Diosta manchanataca mana yuyarinchu.

SALMOS 36:2

Chaimantami pai chashna mana allita ruhuashpaca alli cashcata yuyan. Paipac juchataca mana millanayachinchu.

SALMOS 64:5

Mana allita ruhuangapacmi paicunapura cushichinacuncuna. Chashna cushichinacushpa, pacalla tucllata churashpaca: «¿Pitac caitaca ricungayari?» nincuna.

ÉXODO 7:23

Chaita mana uyasha nishpami, Faraonca paipac huasiman cutirca.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 36:22

Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

ISAÍAS 37:1

Chashna nicpimi, jatun mandac Ezequiasca paipac churanata lliquirishpa, sharpa churanata churarishpa, Mandac Diospac huasiman shamurca.

JEREMÍAS 36:16

Chai tucui rezashcacunata uyashpaca, tucuimi mancharishpa, caishuc, chaishuc ñahuipura chapanacurca. Chai quipami, Baructaca: «¡Cai rezashcataca mana cungarishpa, jatun mandacman huillashun!» nirca.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JONÁS 3:6

Nínive llactata jatun mandacpish, chashna huillacpica, pai mandashpa tiyarinamanta jatarishpa, paipac churanata llucchishpa, sharpa churanata churarishpami uchupapi tiyarirca.

SAN MATEO 12:41

Nínive pueblopi causaccunaca Dios ima nishcata Jonás huillacpica, llaquirishpa, Diosman cutirircami. Ñucacarin Jonastapish yallimi caipica cani. Dios taripana punzhapica, Ninivepi causaccunami cunan punzhapi causaccuna mana allita ruhuashcamantaca juchanchingapac jataringacuna.

ROMANOS 3:18

Diosta manchana yuyaica paicunapac yuyaipica mana tiyanchu» ninmi.