JEREMÍAS 35:6 - Dios Rimashcata Quillcashcami

⁶ Shina nicpimi paicunaca: «Ñucanchicca vinotaca mana ubiashunchu. Chaica, Ricabpac churi ñucanchic ñaupa taita Jonadab ñucanchicta mandashpaca: “Cancunapish, cancunapac huahua huahuacunapish jaicapi ama vinota ubianguichicchu.

JEREMÍAS 35:6 ပူးပေါင်းရင်းမြစ်များ

GÉNESIS 25:27

Huahuacunaca huiñarcami. Esauca pambaman llucshishpa, sacha animaltami japinata allita yachacurca. Cutin Jacoboca mana maiman llucshishpa, carpa huasillapimi casilla causarca.

GÉNESIS 36:7

Esaupish, Jacobopish mai chayuccuna cashcamantami michina pambacunapish ña mana pactarca. Chaimantami chai llactallapitac ishcaitac mana causai pudirca.

2 REYES 10:15

Chaimanta rishpaca, Recabpac churi Jonadabhuanmi tuparca. Paihuan tupashpa allillachu cangui nishca quipaca: —¿Ñuca shungu canhuan cashca shinallatacchu cambac shungupish ñucahuan can?— nirca. Shina nicpi, Jonadabca: —Ari, ñucapish chashnallatacmi cani— nirca. Chaimantami Jehuca: —Shina cashpaca, ¡cambac maquita cui!— nirca. Shina nicpimi, Jonadabca maquita curca. Chashna maquita cucpi, paipac carretapi huichicuchishpa,

2 REYES 10:23

Jehuca Recabpac churi Jonadabhuan Baal diospac huasiman yaicushpami, Baal diosta serviccunataca: «Caipi cancunapurapi Mandac Diosta serviccuna pacta tiyanman, alli ricuichic. Caipica Baal diosta serviccunallami cana can» nirca.

1 CRÓNICAS 16:19

Paicuna mana achca cacpipish, caru llactamanta shamushca, ashallacuna shina cacpipish,

1 CRÓNICAS 2:55

Jabes pueblopi causacuc quillcaccunapac familiacunaca: tirateocuna, simeateocuna, sucateocunami carca. Paicunami Recabpac taita Hamatpac huahua huahua ceneocunaca carca.

SALMOS 105:12

Paicuna ashalla tucushpa, shucpac llactapi causacucpi,

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

JEREMÍAS 35:10

Chashnami ñucanchic ñaupa taita Jonadab tucui mandashcacunata cazushpa carpa huasicunallapi causanchic.

JEREMÍAS 35:14

Recabpac churi Jonadab vinota ama ubiachun nicpica, allimi pactachincuna. Paicunapac ñaupa taita mandashcata cazushpami, vinota cunan punzhacaman mana ubiancuna. Shina cashpapish, ñuca cancunata punzhanta rimacucpipish manatac cazunguichicchu.

LEVÍTICO 10:9

«Ñucahuan tupana huasiman yaicungapacca canpish, cambac churicunapish vinota, tragota ama ubianguichicchu. Pacta huañunguichicman. Cai mandashcataca cambac huahua huahuacunapish huiñaitami pactachina can.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

JUECES 13:14

Uvasmanta ruhuashcataca imatapish ama micunguichu, vinotapish, machana yacutapish ama ubianguichu. Shinallatac imapish mapayachictaca ama micunguichu. Tucui ñuca mandashcatami pactachina can— nirca.

JUECES 13:7

Shina cashpapish paica: “Riqui, canca huicsayuc tucushpami shuc cari huahuata charigringui. Chaimanta cunanca ima vinotapish, ima machana yacutapish ama ubianguichu. Shinallatac ima mapayachic micunatapish ama micunguichu. Chai huahuaca mamapac huicsamanta pachami huañungacaman nazareo canga” nircami» nirca.