JEREMÍAS 35:2 - Dios Rimashcata Quillcashcami

² «Ricabitacunapacman rishpa, paicunahuan parlashpa, ñuca huasipi tiyac shuc ucuman pushamushpa vinota ubiachingui» nirca.

JEREMÍAS 35:2 ပူးပေါင်းရင်းမြစ်များ

1 REYES 6:10

Shinallatac Diospac huasi tucui muyundipica ishcai metro ishcai chunga pichca centimetrota charic huasicunatami shayachirca. Chai huasica Diospac huasi pircapi cedro caspihuan jarcachishcami carca.

1 REYES 6:8

Chaupi altoi-bajopi tiyac ucuman yaicuna punguca Diospac huasi alli ladomanmi carca. Chaupi altoi-bajoman huichai ringapacpish, chai altoi-bajomanta ashtahuan jahua altoi-bajoman huichai ringapacpish achcata muyushpa churu shina gradami carca.

1 CRÓNICAS 2:55

Jabes pueblopi causacuc quillcaccunapac familiacunaca: tirateocuna, simeateocuna, sucateocunami carca. Paicunami Recabpac taita Hamatpac huahua huahua ceneocunaca carca.

1 CRÓNICAS 23:28

Paicunaca Aaronpac huahua huahuacunata Mandac Diosta servinata ayudangapacmi carca. Paicunaca Diospac huasipi paipaclla chicanyachishcacunapi, ima mapa ama tuparichun cuidaccuna, ima ashtahuan shuc ruhuanacunatapish ruhuaccunami carca.

1 CRÓNICAS 28:12

Shinallatac Mandac Diospac huasi pungucunata, chai muyundi ucucunata, Diospac huasipi imalla tiyashcata allichina ucuta, Diospaclla chicanyachishcata allichingapac ima shina shayachinata yuyarishcatami ricuchishpa saquirca.

1 CRÓNICAS 9:26

Pungupi cuidaccunata mandac chuscu levitacunaca Diospac huasi ucutapish, chaipi tiyac valishcacunatapishmi cuidacurca.

1 CRÓNICAS 9:33

Cutin levita huasi ucupuracunata mandac cantaccunaca Diospac huasi ucucunapimi causacurca. Paicunaca tutapish, punzhapish Diosta cantac cashcamantami ashtahuan imata mana ruhuac carcacuna.

2 CRÓNICAS 3:9

Curi clavocunaca cada shucmi pichca chunga siclosta pezarca. Shinallatac jahua alto ucucunatapish curihuanmi jahuata llutarca.

2 CRÓNICAS 31:11

Shina cacpimi, Ezequiasca Mandac Diospac huasipi shuctac ucucunata ruhuachun mandarca. Shina mandacpimi, ucucunaca ruhuarcacuna.

ESDRAS 8:29

Caicunataca curacunata, levitacunata mandaccunapac, Jerusalenpi causac israelcunapac ñaupa taitacunapac huasi ucupuracunata mandaccunapac ñaupapi pezangacaman Diospac huasi ucupi alli cuidanguichic» nircani.

NEHEMÍAS 13:5

Shina cashpami, shuc jatun ucuta ruhuashpa paiman cushca carca. Chai ucupimi ofrendacunata, inciensota, imalla charinacunata, trigota, vinota, aceiteta, chungamanta shucta cushcacunataca huacaichic carca. Chai huacaichishcacunatami levitacunaman, cantaccunaman, pungupi cuidaccunaman, curacunaman cuchun mandashca carca.

JEREMÍAS 35:3

Shina nicpimi, ñucaca Jeremiaspac churi Habasiniaspac nieto Jazaniasta paipac huauquicunandi, paipac churicunandi, ricabitacunapac familiacunandi

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

JEREMÍAS 35:8

Recabpac churi ñucanchic ñaupa taita Jonadab mandashcatami cazunchic. Pai mandashca shinallatacmi ñucanchic huarmicunapish, ñucanchic churicunapish, ushicunapish vinotaca mana ubianchic.

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.