JEREMÍAS 35:1 - Dios Rimashcata Quillcashcami

¹ Josiaspac churi jatun mandac Joacim Judá llactata mandacui punzhacunapi Mandac Dios Jeremiasta rimashpaca:

JEREMÍAS 35:1 ပူးပေါင်းရင်းမြစ်များ

2 REYES 23:34

Chashna ruhuashpami, Egipto llactata jatun mandac Necaoca Eliaquimta paipac taita Josiaspac randi jatun mandac cachun churarca. Eliaquimtaca Joacimtami shutichirca. Joacaztaca Egiptomanmi prezu aparca. Chaipimi paica huañurca.

2 REYES 23:35

Joacimca cullquitapish, curitapish Faraonman curcami. Chaita cungapacca jatun mandac Egipto llactata jatun mandac Necao mandashca shinallatacmi Judá llactapi causaccunata tucui mashna allpata charishcamanta impuestota cuchun mandarca.

JEREMÍAS 1:3

Josiaspac churi jatun mandac Joacim Judá llactata mandacui huatamanta Josiaspac churi jatun mandac Sedequías Judá llactata chunga shuc huata mandangacamanmi Jeremiasmanca huillarca. Chai huata, pichca quillapimi, Jerusalenpi causaccunata prezu apashca carca.

JEREMÍAS 25:1

Judá llactata Josiaspac churi Joacim chuscu huatata mandacucpimi, Mandac Diosca Judá llactapi causaccunamanta Jeremiasman huillarca. Chai huatapimi jatun mandac Nabucodonosorca Babilonia llactata mandai callarirca.

JEREMÍAS 26:1

Josiaspac churi jatun mandac Joacim Judá llactata punta huatata mandacucpi, Mandac Dios Jeremiasta rimashpaca:

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

JEREMÍAS 36:1

Josiaspac churi jatun mandac Joacim Judá llactata chuscu huatata mandacucpi, Mandac Dios Jeremiasta rimashpaca:

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

JEREMÍAS 36:9

Josiaspac churi jatun mandac Joacim Judá llactata pichca huata iscun quillata mandacucpimi, tucui Jerusalenpi causaccunatapish, Judá llactacunamanta Jerusalenman shamuccunatapish, Mandac Diospac huasipi ayunachun mandarca.

JEREMÍAS 46:2

Josiaspac churi jatun mandac Joacim Judá llactata chuscu huatata mandacucpimi, Babilonia llactata jatun mandac Nabucodonosorca Egipto llactata jatun mandac Faraón nishca Necaopac soldadocunata Eufrates yacu ladopi tiyac Carquemis llactapi macanacushpa misharca. Chai soldadocunamanta Mandac Dios rimashpaca:

DANIEL 1:1

Judá llactata jatun mandac Joacim quimsa huatata mandacucpimi, Babilonia llactata jatun mandac Nabucodonosorca Jerusalenman paipac soldadocunahuan shamushpa muyundita shayarirca.