JEREMÍAS 34:21 - Dios Rimashcata Quillcashcami

²¹ Judá llactata jatun mandac Sedequiastapish, pai churashca mandaccunatapish, paita piñashpa huañuchinata munaccunapac, cancunapac ñaupamanta rishca Babilonia llactata jatun mandacpac soldadocunapac maquipimi churasha.

JEREMÍAS 34:21 ပူးပေါင်းရင်းမြစ်များ

2 REYES 25:6

Jatun mandac Sedequiasta japishpaca, Babilonia llactata jatun mandacpacmanmi, Ribla puebloman apamurca. Chaipimi ima shina llaquichinataca huillarca.

JEREMÍAS 22:25

Shina llucchishpaca can manchana, canta huañuchinata munaccunapac, Babilonia llactata jatun mandac Nabucodonosorpac, caldeocunapac maquipimi cantaca churasha.

JEREMÍAS 32:3

Judá llactata jatun mandac Sedequías Jeremiastaca: «¿Ima nishpatac canca: “Mandac Diosca: Ñucami cai llactataca Babilonia llactata jatun mandacpac maquipi churani. Paimi cai llactataca japinga.

JEREMÍAS 32:4

Judá llactata jatun mandac Sedequiasca caldeocunapac maquimantaca manatac ati pudingachu. Paica Babilonia llactata jatun mandacpac maquipi churashcatacmi canga. Chai mandac-huanca ñahui ñahui chimbapurashpami shayaringa.

JEREMÍAS 39:6

Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 52:10

Babilonia llacta jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapish Ribla llactallapitacmi tucuita huañuchirca.

JEREMÍAS 52:8

Ashtahuanpish caldeocuna catishpa rishpami, jatun mandac Sedequiastaca Jericó pambapi japirca. Paita japicpica, tucui soldadocunami shitashpa rirca.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 17:16

Mandac Dios ñuca shutipimi nini: Chai runa pai ari nishcata mana cazushcamantaca mandac cachun churashca jatun mandacpac Babilonia llactallapitacmi huañunga. Paihuan ari nishcata yangapi churashpami, pactachinacunatapish mana cazurca.

EZEQUIEL 17:20

Ñucaca paipac jahuapi linchita shitashpami japisha. Ñucata mana cazushpa millaita ruhuashcamantaca Babilonia llactaman apashpami taripashpa llaquichisha.