JEREMÍAS 34:20 - Dios Rimashcata Quillcashcami

²⁰ Paicunata piñashpa, huañuchinata munaccunapac maquipimi churagrini. Paicunapac cuerpotaca volac animalcuna, sacha animalcunami micunga.

JEREMÍAS 34:20 ပူးပေါင်းရင်းမြစ်များ

1 REYES 14:11

Jeroboampac huahua huahuacunamanta pueblopi huañucpica, allcucunami micunga. Pueblomanta canzha pambapi huañucpica, jahuata volac animalcunami micunga. Chaica, Mandac Dios ñuca chashna nishcamantami chashnaca tucunga” nircami.

1 REYES 16:4

Baasapac familiamanta maijan pueblopi huañucpica, allcucunami micunga. Tarpuna pambacunapi huañucpica, jahuata volac animalcunami micunga» nirca.

SALMOS 79:2

Canta servic runacunataca huañuchishpami jahuata volac animalcuna, sacha animalcuna micuchun saquishca.

JEREMÍAS 11:21

Anatot runacunaca: «Ñucanchic maquipi mana huañungapacca, Mandac Diospac shutipi ama ashtahuan huillaichu» nircami.

JEREMÍAS 12:9

Ñuca acllashcacunaca, ¿manachu tucuilaya coloryuc volac animal huañuchishpa micuc angacunapac chaupipi tiyacuc shina? ¡Sachapi causac tucui millai animalcuna lambic shina tucuchingapac tandachishpa shamuichicyari!

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 19:7

Judá llactapi, Jerusalenpi causaccuna cai pambapi imata yuyaricushcatapish tucuchishami. Paicunata piñashpa huañuchinata munaccunapac maquipi churashpami, paicunapac ñaupallapitac espadahuan huañuchichun saquisha. Chai huañushcacunataca volac animalcuna, sacha animalcunami micunga.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 22:25

Shina llucchishpaca can manchana, canta huañuchinata munaccunapac, Babilonia llactata jatun mandac Nabucodonosorpac, caldeocunapac maquipimi cantaca churasha.

JEREMÍAS 38:16

Shina nicpimi, jatun mandac Sedequiasca Jeremiasta pacalla rimashpaca: —Cantaca manatac huañuchishachu. Shinallatac canta huañuchinata munaccunapac maquipipish mana churashachu. Cusaita cuc Mandac Diospac shutipimi nini— nirca.

JEREMÍAS 39:6

Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.

JEREMÍAS 4:30

Can chai llaquihuan cashpaca, ¿imatatac ruhuangui? Sumac pucanlla churanata churarishcapish, sumac coronata churarishcapish, cambac ñahui millmacunata yananllata ruhuashca cashpapish imata mana ruhuai pudinguichu. Yangami sumacta allichiringui. Canta cuyaccunaca canta piñashpami, huañuchingapac mashcancuna.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 49:37

Elam llactapi causaccunamanca paicunata huañuchinata munaccunapac, paicunata piñaccunapac ñaupapica yallita manchaitami cugrini. Paicunata tucuchichunmi huañuchiccunata cachagrini. Ñuca nina japiric shina, piñarishpami llaquichigrini.

JEREMÍAS 7:33

Chai cuerpocunataca volac animalcuna, pambata puric animalcunami micunga. Chai animalcuna micucucpica, pi mana manchachingachu.

EZEQUIEL 23:28

Mandac Diosca: Cantaca can mana ricunayachishca, can millanayachingacaman huainayashca gentecunapac maquipimi churani.

EZEQUIEL 29:5

Shina llucchishpami cantapish, cambac yacupi tiyac challuacunatapish shitashca pambapi shitasha. Chai pambamantaca pipish mana japingachu, pipish mana enterrangachu. Sacha animalcuna, jahuata volac animalcuna micuchunmi saquisha.

EZEQUIEL 32:4

Cantaca allpaman aisashpami, shitashca pambapi saquisha. Volac animalcunami cambac jahuapi tiyaringa. Tucui cai pachapi tiyac sacha animalcunami mana nicta micunga.

DEUTERONOMIO 28:26

Cancuna huañushca aichaca volac animalcunapac, allpata puric animalcunapac micunami tucunga. Chashnami pipish mana misashca micunga.

1 SAMUEL 17:44

Shinallatac Filisteoca Davidtaca: —¡Cambac aichataca jahuata volac animalcunaman, sacha animalcunaman carangapac ñucapacman shamui!— nirca.

1 SAMUEL 17:46

Cunan Mandac Dios canta ñuca maquipi churacpimi, canta atishpa, cambac umata pitisha. Cunanmi cambac aichatapish, filisteo soldadocunapac aichatapish jahuata volac animalcunaman, sacha animalcunaman carasha. Chashna ruhuacpimi, tucui cai pachapi causaccunaca israelcunapac Dios tiyashcata yachangacuna.