JEREMÍAS 34:19 - Dios Rimashcata Quillcashcami

¹⁹ Judá llactata mandaccunapish, Jerusalenta mandaccunapish, shuctac mandaccunapish, curacunapish, cai llactapi causac tucui gentecunapish becita huañuchishpa chaupishcatami pasarca. Paicunatapish chashnallatacmi llaquichigrini.

JEREMÍAS 34:19 ပူးပေါင်းရင်းမြစ်များ

GÉNESIS 15:17

Ña inti tigrashpa, amsa tuta tucucpimi, Abramca shuc hornomanta cushni llucshicuctapish, chaupishca animalcunapac chaupita nina jagan nishpa, pasacuctapish ricurca.

GÉNESIS 15:8

Shina nicpimi Abramca: —Mandac Dioslla, ¿ima shinatac cai allpata ñucaman cuna cashcataca yachashayari?— nirca.

2 REYES 24:12

Chaimantami Judá llactata jatun mandac Joaquinca paipac mamandi, paita serviccunandi, pai churashca mandaccunandi, caishuc mandaccunandi jatun mandac Nabucodonosorpac maquipi prezu yaicurca. Jatun mandac Nabucodonosor Babilonia llactata pusac huatata mandacucpimi, chashnaca tucurca.

2 REYES 24:15

Jatun mandac Joaquintapish, paipac mamatapish, paipac huarmicunatapish, paita serviccunatapish, Judá llactapi causac chayuccunatapish Jerusalenmantaca Babilonia llactamanmi prezu aparca.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 34:10

Servic caricunahuanpish, servic huarmicunahuanpish cacharichichun nishpa ari nishcataca tucui gentecunami cazurca. Chashnami pipish mana ashtahuan servichingapac tucui cacharirca.

JEREMÍAS 38:7

Chaitaca Etiopía llactamanta servic eunuco nishca Ebedmelecmi yachac chayarca. Paimi yacuta tandachina jatun jutcupi Jeremiasta shitashcataca yachac chayarca. Chai pachaca jatun mandacca Benjamín nishca pungupimi mandaccunahuan tandanacushpa tiyacurca.

JEREMÍAS 39:6

Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

DANIEL 9:6

Canta servic, can ima nishcata huillaccuna cambac shutipi ñucanchic jatun mandaccunata, caishuc mandaccunata, ñaupa taitacunata, tucui israelcunata rimashcata mana cazushcanchicchu.

DANIEL 9:8

Canta mana cazushpa juchallishcamantami ñucanchicpish, ñucanchic jatun mandaccunapish, caishuc mandaccunapish, ñaupa taitacunapish pingaichishca cashun.