JEREMÍAS 32:31 - Dios Rimashcata Quillcashcami

³¹ Cai llactaca callarishca punzhamanta cunan punzhacamanmi ñucata llaquichishpa, piñachishpa causacun. Chaimantami ñucapac ñaupamanta anchuchigrini.

JEREMÍAS 32:31 ပူးပေါင်းရင်းမြစ်များ

2 REYES 21:16

Judá gentecunata juchata ruhuachishca jahuami Manasesca mana faltayuc gentecunata huañuchishpa, Jerusalenpica caishuc ladomanta chaishuc ladocaman yahuarta yallita jicharca.

2 REYES 23:15

Bet-el pueblopi tiyac altarcunatapish, israelcunata juchata ruhuachic Nabatpac churi Jeroboam lomapi ruhuachishca altarcunatapish tucuchircami. Chai altarcunatapish, lomapi tiyac altarcunatapish rupachishpami uchupata ruhuarca. Asera diostapish rupachircami.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

JEREMÍAS 27:10

Paicunaca cancunapac llactamanta ñuca cancunata llucchishpa cachashpa, huañuchichunmi chashna llullashpa huillan.

LAMENTACIONES 1:8

Jerusalenpica yallitami juchallishcacuna. Chaimantami mapayashpa millana tucushca. Paita utcapi alli niccunaca lluchulla cashcata shinami, mana ricusha nincuna. Chaimantami paica pingashpa ñahuita mana ricuchin.

DANIEL 9:16

Mandac Dioslla, cashcata ruhuac cashca shinallatac Jerusalenmanta, cambaclla chicanyachishca urcumanta cambac nina japiric shina yallita piñarishcata anchuchiyari. Ñucanchic juchacunamanta, ñucanchic taitacuna millaita ruhuashcamantami ñucanchic muyundipi causaccunaca Jerusalentapish, can acllashcacunatapish burlashpa rimancuna.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.