JEREMÍAS 32:20 - Dios Rimashcata Quillcashcami

²⁰ Canmi Egiptopica pi mana ruhuaipaccunata, mancharinacunata ruhuarcangui. Cunancamanmi Israel llactapipish, tucui runacunapurapipish chaicunataca ruhuacunguirac. Cunan punzhapi ricushca shinallatacmi, tucuipac alli nishca cangui.

JEREMÍAS 32:20 ပူးပေါင်းရင်းမြစ်များ

2 SAMUEL 7:23

Shinallatac can acllashca Israel llacta shinaca, ¿maijan llactatac cai pachapica tiyanyari? Cai llactataca paicunaman allita ruhuashpa, tucuiman ricsichingapacmi huatashca shina causacucmanta cacharichircangui. Canca llactapi causaccunatapish, chaipi tiyac dioscunatapish llucchishpa cachashpaca, jatun mancharinacunata ruhuashpami Egiptomanta cambaclla cachun llucchimurcangui.

1 CRÓNICAS 17:21

Cai pachapica, ¿picunatac can acllashca israelcuna shinaca tiyanyari? Can Dios rimashpami, paicunataca cambac acllashca cachun llucchimurcangui. Jatun mancharinacunata ruhuashpami, tucui gentecuna cambac shutita ricsichun chashna llucchimurcangui. Egiptomanta can llucchimushpaca, cambac acllashcacunapac ñaupamantami shuctac llactapi causaccunataca llucchishpa cacharcangui.

NEHEMÍAS 9:10

Faraontapish, paita serviccunatapish, chai llactapi tucui causaccunatapish, ima ricuchinacunata, mancharinacunata ruhuashpami llaquichircangui. Canca israelcunata yallita llaquichicucta ricushpami chashna llaquichircangui. Chaita ruhuashpami, tucui ricsishca tucushcangui.

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 135:9

Egiptopi causaccunalla, cancunapac chaupipimi ima ricuchinacunatapish, jatun mancharinacunatapish ruhuashpa ricuchirca. Chashnami Faraontapish, tucui paipac gentecunatapish llaquichirca.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ÉXODO 3:20

Chaimantami Egipto runacunataca ñuca maquihuan jatun mancharinacunata ruhuashpa llaquichisha. Chashna ruhuacpica, cancunataca cacharingallami.

ÉXODO 7:3

Ñucami Faraonpac shungutaca sinchiyachisha. Chaimantami Egiptopica mancharina ricuchinacunata ruhuashpa ricuchisha.

ÉXODO 9:16

Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

ISAÍAS 63:14

Mandac Diospac Espiritumi pugru pambaman shamuc animalcunata shina michirca. Chashnami cambac shutita sumaimana cachun, can acllashcacunataca michircangui.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

DANIEL 6:28

Danielca jatun mandac Darío mandacui punzhacunapipish, Persia llactamanta Ciro mandacui punzhacunapipish alli ricsishcami carca.

DANIEL 9:15

Mandac Dioslla, cunan punzhapi ricushca shinallatac cambac acllashcacuna alli nishca cachunmi, cambac poderhuan Egiptomanta llucchircangui. Chashna llucchimucpipish, juchallishpami millaillata ruhuashcanchic.

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

DEUTERONOMIO 11:3

Egipto llactata jatun mandacta, chaipi causaccunata llaquichishcatapish, jatun mancharinacunata ruhuashcatapish,

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

DEUTERONOMIO 6:22

Mandac Dios Egipto llactapica ñucanchic ñaupapimi Faraontapish, paipac familiacunatapish llaquichishpa, jatun milagrocunatapish, pi mana ruhuaipaccunatapish ruhuarca.

DEUTERONOMIO 7:19

Mandac Dios cancunapac ñaupapi jatun ricuchinacunatapish, jatun milagrocunatapish, pi mana ruhuaipaccunatapish ruhuashpa, paipac poderhuan Egiptomanta llucchimushcataca cancunapac ñahuihuanmi ricurcanguichic. Chashnallatacmi cancuna manchana llactacunatapish ruhuanga.