JEREMÍAS 31:32 - Dios Rimashcata Quillcashcami

³² Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

JEREMÍAS 31:32 ပူးပေါင်းရင်းမြစ်များ

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

SALMOS 73:23

Shina cashpapish canmantaca manatac caruyarcanichu. Canca alli maquimantami ñucataca charirarcangui.

SALMOS 78:37

Paicunapac shunguca Dios-huanca mana allichu carca. Paicuna ari nishcatapish mana pactachircachu.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

CANTARES 8:5

¿Pitac shitashca pambamanta cuyashcapac rigra jahuapi huichai shamucun? Manzana yura ucupimi ricchachircani. Chaipimi cambac mamataca sajuarina nanai japirca. Chaipimi cambac mamaca canta sajuarirca.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

JEREMÍAS 11:3

Israelcunata Mandac Diosca: “Ñucahuan ari nishcata mana cazuc runaca mana alli nishcami canga.

JEREMÍAS 11:4

Cai rimashcataca cancunapac ñaupa taitacunata Egiptomanta llucchimui punzhami mandarcani. Paicuna fierrota yacuyachina hornopi shina causacucpi, chaimanta llucchimushpami: Ñuca rimashcata uyashpa, ñuca mandashca shina causaichic. Shina causashpaca, ñuca acllashcacunami canguichic. Ñucapish cancunapac Diosmi casha.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

JEREMÍAS 22:9

Shina nicpica: “Caipi causaccuna Mandac Dios-huan ari nishcata saquishpa, shuctac dioscunata servishpa, alli nishcamantami chashna tucushca” ningacuna» nirca.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

JEREMÍAS 34:13

«Israelcunata Mandac Dios ñucaca: Egipto llactapi servishpa, llaquinayaita causacucmanta llucchimui punzha cancunapac ñaupa taitacunahuan ari ninacushpaca:

JEREMÍAS 34:14

Hebreopuramanta maijan cancunaman caturishpa servicucpica, cada canchis huatapi cacharinguichic. Sucta huatallata servichishpa charinguichic nircanimi. Ashtahuanpish cancunapac ñaupa taitacunaca mana uyarcachu, shinallatac mana cazurcachu.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

EZEQUIEL 20:37

Cancunataca ovejacunata varahuan yupac shinami, ñucahuan ari nishcata pactachichun churasha.

EZEQUIEL 23:4

Punta ñañaca Ohola, quipa ñañaca Oholibami carca. Paicunaca ñuca huarmicunami carca. Chaimantami churicunatapish, ushicunatapish ñucaman curcacuna. Oholaca Samariatami ricuchin, Oholibaca Jerusalentami ricuchin.

OSEAS 11:1

Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

OSEAS 3:1

Mandac Diosca cutin rimashpaca: «Shuc cuyashcata charic huainayac huarmita cuyagri. Paitaca ñuca israelcunata ima shinami cuyani, chashnatac cuyai. Israelcuna shuctac dioscunata mañacucpipish, chaquishca uvas tortata chai dioscunaman cucpipish cuyanimi» nirca.

LEVÍTICO 26:15

ñuca yachachishcacunata millanayachishpa, ñuca quillcachishcacunata yangata ruhuacpi, ñucahuan ari nishcata paquicpica,

MARCOS 8:23

Chaimantami Jesusca chai ñahui mana ricuc runata maquimanta aisashpa, pueblomanta caruman pusharca. Chai runapac ishcai ñahuipi tucata churashpa, maquita paipac uma jahuapi churashpaca: —¿Ñachu imallatapish ricungui?— nirca.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

HECHOS 23:19

Chai mandac huambrata maquimanta apashpa, paillata tapushpaca: —¿Imatatac huillasha ningui?— nirca.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

DEUTERONOMIO 29:1

Mandac Diosca Horeb urcupimi israelcunahuan ari ninacurca. Chaipi ari nishca jahuami Mandac Diosca Moab llactapipish israelcunahuan ari ninacuchun Moisesta mandarca.

DEUTERONOMIO 29:21

Mandac Diosca chai runataca llaquichingapacmi tucui Israel aillucunamanta chicanyachinga. Llaquichingapac ari nishcata cai mandashcacunata quillcashca libropi nishca shinami yallita llaquichinga.

DEUTERONOMIO 29:24

Chaita tucui llactacunapi causaccuna tapushpaca: “¿Imamantatac Mandac Diosca cai llactataca cashna ruhuarca? ¿Imamantatac Diosca nina japiric shina piñarirca?” ningami.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

DEUTERONOMIO 5:2

Ñucanchicta Mandac Diosca Horeb urcupimi ñucanchic-huan ari ninacurca.

DEUTERONOMIO 5:3

Mandac Diosca mana ñucanchic taitacunallahuanchu ari nishca, ashtahuanpish cunan caipi cac tucui ñucanchic-huanpishmi ari nishca.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.