JEREMÍAS 31:17 - Dios Rimashcata Quillcashcami

¹⁷ Cambac huahuacunamanca alli causai tiyangami. Quiquin llactamanmi cutimunga.

JEREMÍAS 31:17 ပူးပေါင်းရင်းမြစ်များ

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

LAMENTACIONES 3:18

Ñucaca: «Causaita cuc samaica chiriyarcami. Mandac Diosta yuyarishpa causanapish tucurircami» nishpami yuyarcani.

LAMENTACIONES 3:21

Chaicunata ashtahuan ñuca shungupi yuyarishpami, Diosta mañashpa shuyacushalla.

LAMENTACIONES 3:26

Mandac Dios quishpichinata upalla shuyanaca allimi.

LAMENTACIONES 3:29

Cumurishpa umata pambapi tupachichun. Chaipica quishpiringapishchari.

EZEQUIEL 37:21

“Mandac Diosca: Shuctac llactaman rishca tucui israelcunatami tandachishpa, paicunapac llactallaman cutichimusha.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

EZEQUIEL 39:28

Shuctac llactacunaman prezu cachashpapish quipataca tucuita tandachishpami paicunapac llactallapitac causachun churasha. Shina ruhuacpimi, ñucataca Mandac Dios cashcata yachangacuna.

OSEAS 2:15

Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

ZACARÍAS 9:12

Prezumanta cutina yuyailla caccucunalla, muyundita pircashcaman cutimuichicyari. Cunanca, cancuna yallita llaquita apashcamantaca chaupihuan yalli allicunata cancunaman cunatami huillacuni.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.