JEREMÍAS 31:15 - Dios Rimashcata Quillcashcami

¹⁵ Mandac Diosca: «Ramá llactapi llaquihuan caparishpa huacashcami uyarirca. Chaipica Raquelmi paipac huahuacuna huañushcamanta yallita huacacurca. Pipish mana cushichi pudircachu» ninmi.

JEREMÍAS 31:15 ပူးပေါင်းရင်းမြစ်များ

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

GÉNESIS 5:24

Enocca Dios munashca shinami causarca. Chaimantami Dios apacpi chingarirca.

JOB 7:21

¿Ima nishpatac ñuca mana cazushcata anchuchishpa, ñuca juchacunata perdonangui? Utcami uchupapimi sueñugrini. Ñucata can utca mashcacpipish ña mana ricurishachu» nirca.

SALMOS 37:36

Shina cashpapish, paica chingarishpa ña mana ricurircachu. Paita mashcashpapish mana tarircanichu.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

ISAÍAS 10:29

Ashalla yacuta pasashpami Geba llactapi pacarirca. Ramá llactapi causaccunaca chucchurcami. Saulpac Gabaa llactamantapish miticushpami callparca.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

JEREMÍAS 10:20

Ñuca carpa huasipish urmashcami, huascacunapish tucui pitirishcami. Ñuca huahuacunapish mana cutingapacmi rishca. Ñuca carpata cutin shayachingapacpish, cortinacunata churangapacpish pi mana tiyanchu» nishpa caparircani.

JEREMÍAS 40:1

Jerusalenmantapish, Judá llactamantapish Babilonia llactaman gentecunata prezu apashpami, Jeremiastapish cadenahuan huatarca. Chaipi cacpimi, soldadocunata mandac Nabuzaradanca Jeremiastaca Ramaman cacharca. Chai quipa Mandac Dios Jeremiasta rimarca.

LAMENTACIONES 5:7

Ñucanchic taitacunaca juchallishpami huañurca. Paicunamantami ñucanchicca llaquita apacunchic.

EZEQUIEL 2:10

Chai quillcataca ñuca ñaupapimi pascarca. Chai quillcaca ñaupamanpish, huashamanpish quillcashcami carca. Chaipica yallita llaquipi cantana cantota quillcashcami carca.

JOSUÉ 18:25

Shinallatac Gabaón, Ramá, Beerot,

JUECES 4:5

Deboraca paipac palma yura ucupimi tiyac carca. Chai yuraca Efrainpac urcupi cac Ramá, Bet-el pueblocuna tupanacuipimi carca. Chaimanmi israelcunaca imapish llaquita allichichun ric carcacuna.

1 SAMUEL 7:17

Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.