JEREMÍAS 31:11 - Dios Rimashcata Quillcashcami

¹¹ Mandac Dios ñucami Jacobopac huahuacunataca quishpichircani. Sinchi runapac maquimantami cacharichircani.

JEREMÍAS 31:11 ပူးပေါင်းရင်းမြစ်များ

SALMOS 142:6

Ñucaca yallitami llaquihuan cani. Ñuca caparishpa mañashcata uyaiyari. Ñucata llaquichiccunamanta quishpichiyari. Paicunaca ñucata yalli sinchicunami.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

ISAÍAS 49:24

Sinchi runamanta pai macanacushpa quichushcataca, ¿pitac quichui pudinga? Mana llaquic mandacpac maquimanta prezu runata, ¿maijan cacharichi pudingachu?» ninmi.

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

JEREMÍAS 15:21

Mana allita ruhuac millai runacunapac maquimantapish quishpichishpami cuidasha» nirca.

JEREMÍAS 50:33

Tucuita Mandac Diosca: «Israelcunapish, Judá llactapi causaccunapish llaquichishcami causan. Paicunata prezu apaccunaca mana cacharishpami charicun.

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

LAMENTACIONES 3:58

Mandac Dioslla, ñuca llaquiricpica, ayudashpa, quishpichircanguimi.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

ZACARÍAS 9:16

Chai punzhapica, Mandac Diosmi, pai acllashcacunataca ovejacunata shina quishpichinga. Chai llactapica coronapi churana diadema curi rumicuna shinami, mai valishca canga.

SAN MATEO 12:29

Pipish shuc sinchi runapac huasiman yaicushpa, imata shuhuangapacca, huasiyuc runataracmi chacnanman. Paita chacnashpallami, imatapish shuhuanman.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN MATEO 22:29

Chashna nicpimi Jesusca: —Cancunaca, Dios quillcachishcatapish, Diospac podertapish mana yachashpami, yalli pandaricunguichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.