JEREMÍAS 30:17 - Dios Rimashcata Quillcashcami

¹⁷ Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.

JEREMÍAS 30:17 ပူးပေါင်းရင်းမြစ်များ

JOB 5:18

Pai chugrichishpapish paillatacmi jambin. Pai nanachishpapish paillatacmi allichin.

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

SALMOS 107:20

Pai rimashpami alliyachirca. Chashnami jatun llaquimanta quishpichirca.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

ISAÍAS 54:6

Diosca cantaca cusa shitashca llaquilla causac, huambrarac huarmi cacpi, cusa shitashca huarmita shinatami cayashcami.

ISAÍAS 56:8

Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

ISAÍAS 57:18

Chashna ruhuacuctami ricurcani. Paicunataca ñucallatac allichishpami michic shina pushasha. Paicunatapish, paicunahuan llaquilla causaccunatapish cushichishami.

ISAÍAS 57:19

Carupi causaccunatapish, cuchullapi causaccunatapish rimashpaca: “¡Cushi causai tiyachun, cushi causai tiyachun, paicunataca alliyachisha!” Chaitaca Mandac Dios ñucami nini» ninmi.

ISAÍAS 58:8

Chaita ruhuacpica, inti llucshic shinami achicyachinga. Shinallatac utcami alli tucunguichic. Cashcata ruhuashcami cancunapac ñaupata ringa. Mandac Dios ñucapac achic nicucmi huashata cuidashpa catinga.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

JEREMÍAS 10:20

Ñuca carpa huasipish urmashcami, huascacunapish tucui pitirishcami. Ñuca huahuacunapish mana cutingapacmi rishca. Ñuca carpata cutin shayachingapacpish, cortinacunata churangapacpish pi mana tiyanchu» nishpa caparircani.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

JEREMÍAS 3:22

¡Mana cazuc huahuacunalla, ñucapacman cutimuichicyari! ¡Cancuna cutimucpica, mana cazushpa mana allita ruhuashcataca alliyachishami!” ninmi ningui» nirca. Shina nicpica israelcunaca: «Ñucanchicta Mandac Diosmi cangui. Chaimantami cutimushpa cambac ñaupapi canchic.

JEREMÍAS 30:13

Cambac llaquita ricushpa allichicca pipish mana tiyanchu. Chugrita alliyachingapacca imapish mana tiyanchu.

JEREMÍAS 33:24

«Gentecuna: “Mandac Diosca ishcai aillucunata acllashpapish, shitashcami” nishpa rimaricuctaca, ¿manachu uyangui? Chashna nishpaca mana ñuca acllashcacuna cashcatami yuyan.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

JEREMÍAS 8:22

¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 35:12

Shinallatac canca Israel llactapi tiyac urcucunata piñashpa: ‘¡Urcucunaca shitashcami siricun, micuc shina tucuchichunmi saquishca!’ nishcatapish ñuca uyashcata yachanguimi.

EZEQUIEL 36:20

Ashtahuanpish paicuna shuctac llactacunaman chayacpi, chai llacta gentecunaca: “¡Paicunaca Mandac Diospac acllashca gentecuna cashpapish, paipac llactamantami llucshimushca!” nishpa, burlashpami ñucapac jucha illac shutita yangapi churarca.

OSEAS 11:3

Ñucami Efrainpac aillutaca rigramanta aisashpa, alli ñanta purinata yachachircani. Ashtahuanpish paicunaca ñuca jambishcataca mana yacharcachu.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.