JEREMÍAS 29:18 - Dios Rimashcata Quillcashcami

¹⁸ Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

JEREMÍAS 29:18 ပူးပေါင်းရင်းမြစ်များ

2 CRÓNICAS 29:8

Chaimantami Mandac Dios yallita piñarishpa, Judá llactapi, Jerusalenpi causaccunaman llaquita cacharca. Chai llaqui shamucpimi, jatun mancharina tucushpa, burlashpa pingaichishca carcacuna. Chaitaca cancunapac ñahuihuantacmi ricucunguichic.

SALMOS 44:11

Ovejata shinami huañuchicpac maquipi churangui. Shuctac llactacunamanmi caita chaita cachangui.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

JEREMÍAS 15:4

Paicunataca Ezequiaspac churi, Judá llactata jatun mandac Manasés Jerusalenpi mana allita ruhuashcamantami yallita llaquichisha. Chaita, shuctac llactacunata mandaccuna ricushpaca mancharingami” nini.

JEREMÍAS 18:16

Chashnami paicunapac llactaca llaquinayaita tucuchicun. Tucui causaipi yallita burlashpa asina llactami tucunga. Maijanpish chai llactata pasacushpaca mancharishpa, umata cuyuchishpami pasanga.

JEREMÍAS 19:8

Chai llactataca tucuipac mancharinata, burlashpa asinatami ruhuasha. Pipish chaita pasashpaca, yallita mancharingami, shinallatac chai llacta llaqui tucushcamanta burlashpa asingami.

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 27:8

Maijan llacta, mana cashpaca maijan jatun mandac Babilonia llactata jatun mandac Nabucodonosorta yugota cungapi churashca shina, mana servisha nictaca jatun macanacuipi yarcaihuan, yalli ungüihuanmi llaquichisha. Chashnami Nabucodonosorpac maquipi yaicungacaman llaquichisha.

JEREMÍAS 29:17

tucuita Mandac Dios ñuca rimashpaca: Paicunata piñashpami jatun macanacuita cachashpa, yarcaihuan, jatun ungüihuan llaquichigrini. Mana micuipac ismushca higocunata shinami ruhuasha.

JEREMÍAS 29:22

Shina ruhuacpi, Judá llactamanta Babilonia llactaman prezu apashcacuna maldiciashpaca: “¡Mandac Diosca cantapish Sedequiasta shina, Acabta shina ruhuashpami alli canman! ¡Babilonia llactata jatun mandacca chai ishcai runacunatami ninapi cusarca!” ningacuna.

JEREMÍAS 32:24

Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.

JEREMÍAS 34:17

Chaimantami Mandac Dios ñucaca: Cancunata servic huauquicunatapish, ayudaccunatapish mana cazurcanguichicchu. Riquichic, jatun macanacuita, jatun ungüita, yarcaitami llaquichichun cacharigrini. Chashna llaquichishpami cancunataca tucui cai pachapi tiyac llactacuna pingaichichun saquigrini.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 44:12

Egipto llactaman rishpa, chaipi causac puchushca Judá gentecunaca tucuimi tucuchishca canga. Tucui paicunami jatun macanacuipi yarcaihuan huañushpa tucuringa. Cashnami uchillamanta callarishpa yuyaccunacaman tucuringa. Tucuipac mana alli nishca, tucuipac mancharina, burlanami tucunga.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

EZEQUIEL 12:15

Chashna caita, chaita cachacpimi, ñucataca Mandac Dios cashcata yachanga.

EZEQUIEL 22:15

Shuctac llactacunaman, shuctac llactacunaman shic-huashpa cachashpami, cambac mapata anchuchisha.

EZEQUIEL 23:46

Chaimantami Mandac Diosca: “Ñucami chai huarmicunata llaquichichun achca soldadocunata huichai cachasha. Paicunami manchachishpa, tucui shuhuanga.

EZEQUIEL 36:19

Shuctac llactacunaman shic-huashpa cachacpimi, caipi chaipi saquirircacuna. Paicuna ima shina causashca, imata ruhuashca shinami, taripashpa llaquichircani.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

ZACARÍAS 8:13

Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

NÚMEROS 5:27

Chashna ubiachicpimi, chai huarmi cusapac randi shuctac carihuan chayarishpa mapayashca cacpica, llaquichingapac huicsaman yaicunga. Chashna llaquichicpimi, mana huatata chari pudishpa, huicsapish punguillinga. Chaimantaca paica gentecunapac ñaupapi mana alli nishcami canga.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 28:37

Mandac Dios mai llactacunaman apacpipish, chai llactapi causaccunapac burlashcalla, asishcallami canguichic.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.