JEREMÍAS 27:17 - Dios Rimashcata Quillcashcami

¹⁷ Paicunataca ama uyanguichicchu. Chaipac randica, Babilonia llactata jatun mandacta servishpa causanguichic. Chashna servishpaca causanguichicmi. ¿Ima nishpatac cai llactaca llaquinayaita shitashca saquiringa?

JEREMÍAS 27:17 ပူးပေါင်းရင်းမြစ်များ

JEREMÍAS 38:17

Shina nicpimi, Jeremiasca Sedequiastaca: —Israelcunapac tucuita Mandac Diosca: “Babilonia llactata jatun mandac cachashca mandaccunapac maquipi yaicungapac canllatac llucshishpaca causanguimi. Shinallatac cai llactatapish, mana rupachingachu. Canpish, cambac huasi ucupuracunapish causanguichicmi.

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.

JEREMÍAS 42:11

Cancuna manchana Babilonia llactata jatun mandactaca ama manchaichicchu. Paipac maquimanta cacharichishpa, quishpichingapacca ñucami cancunahuan casha. Paitaca ama manchaichicchu.

JEREMÍAS 7:34

Judá llactapi tiyac llactacunapipish, Jerusalén ñancunapipish cushicushpa yallita asinapish mana tiyangachu. Shinallatac noviocuna, noviacuna cushicushpa asinapish mana tiyangachu. Tucui llactacunami llaquinayaita tucuchishca canga» ninmi.