JEREMÍAS 26:2 - Dios Rimashcata Quillcashcami

² «Ñucapac huasi pungupi shayarishpa, ñuca huillashcata Judá llactacunamanta ñucapac huasipi alli ningapac shamuccunaman huillai. Shuc rimashcallatapish mana saquishpa tucuita huillangui.

JEREMÍAS 26:2 ပူးပေါင်းရင်းမြစ်များ

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

JEREMÍAS 1:7

Shina nicpimi, Mandac Diosca: «Ama: “Cunan huiñaillami cani” nichu. Maiman ñuca cachacpipish rilla. Ñuca imata nichun nicpipish ninguilla.

JEREMÍAS 19:14

Jeremiasca Tofet pambapi Mandac Dios huillachun mandashcacunata nishca quipaca Mandac Diospac huasimanmi cutirca. Chai huasi canzha pambapi shayarishpami, chaipi tucui tandanacushcacunataca:

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

JEREMÍAS 25:2

Dios ima nishcata huillac Jeremías Judá llactapi causaccunamanpish, Jerusalenpi causaccunamanpish huillashpaca:

JEREMÍAS 28:5

Chaimanta Dios ima nishcata huillac Jeremías Mandac Diospac huasipi curacunapac, gentecunapac ñaupapi huillac Hananiastaca:

JEREMÍAS 36:10

Barucca Jeremías quillcachishcataca tucui gentecuna uyachunmi Mandac Diospac huasipi rezarca. Chai ucuca Safanpac churi quillcac Gemariaspacmi carca. Cai ucuca Mandac Diospac huasiman yaicuna mushuc pungumanta jahua lado pambapimi carca.

JEREMÍAS 42:4

Shina nicpimi, Dios ima nishcata huillac Jeremiasca: —Allimi. Cancuna mañashca shina, Mandac Diosta mañagrinimi. Mandac Dios tucui imata nishcataca mana pacashpami cancunaman huillasha— nirca.

JEREMÍAS 7:2

«Ñucapac huasi pungupi shayarishpa: “Tucui Judá llactapi causaccuna, Mandac Diosta alli ningapac yaicuccuna pai rimashcata uyaichic.

JEREMÍAS 7:27

Can, cai rimashcacunata huillacpipish, mana cazungacunachu. Cayacpipish mana uyangacunachu.

EZEQUIEL 3:10

Quipata cutin rimashpaca: «Huañunalla runa, ñuca imata huillashcataca cambac ringrihuan alli uyashpa, cambac shungupi chasquingui.

EZEQUIEL 33:7

Huañunalla runa, cantami israelcunata cuidachun churarcani. Canca, ñuca rimashcata allita uyashpa, ñucapac randi paicunata rimangui.

EZEQUIEL 40:4

Chai runaca: «Huañunalla runa, allita ricui, shinallatac allita uyai. Ñuca imata ricuchishcataca allita yuyaringui. Cantaca ñuca ricuchishcata ricuchingapacmi caiman pushamurcani. Cai ricuchishcataca tucui israelcunaman huillangui» nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN LUCAS 19:47

Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

SAN JUAN 18:20

Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

SAN JUAN 8:2

Chai cayandi punzha pacarimucucpimi, Diosta mañana huasiman cutirca. Chaiman gentecuna chayacpimi, Jesusca tiyarishpa yachachi callarirca.

HECHOS 20:20

Ñucaca cancunapac allipacmi huillacurcanilla, yachachicurcanilla. Chashnami tucuipac ñaupapipish, huasicunapipish huillacurcani.

HECHOS 20:27

Chaica, Dios huillachun nishcataca, mana pacashpami tucui huillarcani.

HECHOS 5:25

Paicuna chashna tapunacucucpica, cungailla shuc runa chayamushpaca: «Cancuna carcelpi huichcashca runacunaca, Diosta mañana huasipimi tucui gentecunaman yachachicun» nishpa huillarca.

HECHOS 5:42

Shinallatac paicunaca Diosta mañana huasipipish, mai huasicunapipish punzhantami yachachishpa, Jesucristomanta alli huillaita huillacurca.

DEUTERONOMIO 12:32

Ñuca mandashcallata ruhuanguichic, ama yapachinguichicchu, ama anchuchinguichicchu.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 4:2

Cai ñuca mandashcacunataca ama yapachinguichicchu, ama anchuchinguichicchu. Ñuca yachachishca, Mandac Dios mandashcacunataca cazushpa causanguichic.

JOSUÉ 8:35

Josueca Moisés mandashcataca shuc rimaillatapish mana saquishpami tucui israelcunapac ñaupapi rezarca. Chashnami huarmicunapac, huahuacunapac, caru llactamanta shamushcacunapac ñaupapi rezarca.

APOCALIPSIS 22:19

Shinallatac maijanpish cai libropi ima tucuna cashcata Dios huillashpa quillcachishcata anchuchishpa huillactaca, Diospish cai libropi nishca shinallatacmi causaita cuc yuramanta micunamantapish, Diospaclla cac puebloman yaicunamantapish anchuchinga.