JEREMÍAS 25:6 - Dios Rimashcata Quillcashcami

⁶ Shuctac dioscunata ama catichicchu. Chai dioscunata servishpa, paicunapac ñaupapi ama cumuringuichicchu. Cancunapac maquihuan ruhuashca dioscunata servishpa, Mandac Diosta ama piñachichicchu. Cancuna tucui chaicunata cazucpica, mana llaquichingachu” nircami.

JEREMÍAS 25:6 ပူးပေါင်းရင်းမြစ်များ

1 REYES 14:22

Judá llactapi causaccunaca Mandac Diospac ñaupapi paicunapac ñaupa taitacuna tucui juchata ruhuashcatapish, ashtahuan yalli mana allita ruhuashpami yallita piñachircacuna.

2 REYES 17:35

Mandac Diosca Jacobopac huahua huahuacunahuan ari nishpaca: «Shuctac dioscunata ama manchanguichicchu. Chaicunata ama alli ninguichicchu. Ama servinguichicchu. Animalcunatapish ama cushpa huañuchinguichicchu.

ÉXODO 20:23

Chaimanta ñucapac randi, cullquimanta, curimanta yanga dioscunata ama ruhuanguichicchu.

ÉXODO 20:3

Ñuca ñaupapica ama shuctac dioscunata charinguichu.

JEREMÍAS 32:30

Israelcunapish, Judá gentecunapish huambramanta pachami ñucapac ñaupapica allita ruhuana randica, millaita ruhuashpa causarca. Israelcunaca paicunapac maquihuan mana allita ruhuashpami, ñucata piñachishpa causarca.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

DEUTERONOMIO 13:2

“Shuctac dioscunata catishunchic. Cancuna mana ricsishca dioscunata servishunchic” ningami.

DEUTERONOMIO 28:14

Cunan ñuca huillashpa mandashcacunamantaca allimanpish, lluquimanpish ama ladoyanguichicchu. Pacta shuctac dioscunata adorashpa pandaringuichicman.

DEUTERONOMIO 6:14

Shuctac dioscunata ama catinguichicchu. Llacta muyundipi causaccunapac dioscunapac ñaupapi ama cunguringuichicchu.

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

JOSUÉ 24:20

Cancuna Mandac Diosta saquishpa, shuctac dioscunata servishpa causacpica, piñarishpa cancunamanta anchurishpa llaquichishpami tucuchinga. Cancunaman allita ruhuashca cashpapish tucuchingami— nirca.