JEREMÍAS 25:34 - Dios Rimashcata Quillcashcami

³⁴ ¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 25:34 ပူးပေါင်းရင်းမြစ်များ

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

ISAÍAS 30:14

Cancunaca allpa plato paquiric shinami ñuturinguichic. Chashna paquirishpaca nina bradasta llucchingapacllapish, mana cashpaca yacuta jundumanta llucchingapacllapish mana puchungachu» ninmi.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

ISAÍAS 34:7

Paicunahuanmi sacha huagracunatapish, becicunatapish huañuchinga. Chaimantami paicunapac llactaca yahuarhuan, allpapish huirahuan chapurishca canga.

JEREMÍAS 18:22

Cungailla soldadocuna chayashpa paicunata llaquichicpi, huasipi yallita caparinacui uyarichun. Paicunaca ñuca urmachunmi jutcuta ruhuashca. Ñuca purinapica mitcarina tucllatami churashca.

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

JEREMÍAS 23:1

Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

JEREMÍAS 25:12

Canchis chunga huata tucucpimi, Babilonia llactata jatun mandactapish, chai llactapi causaccunatapish, caldeocunatapish paicuna mana allita ruhuashcamanta llaquichishpa, huiñaita shitashca pambata shina saquisha.

JEREMÍAS 25:23

Dedán, Tema, Buz aillucunamanpish, ñahui millmata ruturic runacunamanpish curcanimi.

JEREMÍAS 25:36

¡Michina pambacunata tucuchicpica, michiccunapish, mandaccunapish yallita caparishpami uyaringa!

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

JEREMÍAS 48:26

Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

JEREMÍAS 48:38

Ñucami Moabpi causaccunataca yalli maucayashca puñuta ñutuchic shina llaquichisha. Shina ruhuacpica, huasi jahuacunapipish, callecunapipish caparishpami huacanga.

JEREMÍAS 50:27

¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.

LAMENTACIONES 4:21

Uz llactapi causac Edom runacunalla, cushicushpa asicuichiclla. Cancunapish jayacta ubiashpa musparishpami lluchulla siricunguichic.

EZEQUIEL 34:20

Chaimantami Mandac Dios ñucaca: Ñucami huira ovejacunatapish, tullu ovejacunatapish taripasha.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.

OSEAS 8:8

¡Israel llactaca tucuchishcami canga! Ñallami shuctac llactacunapac chaupipica paya manga shina tucunga.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

ZACARÍAS 10:3

Chaimantami Mandac Diosca: «Michiccunahuanca nina japiric shinami, piñarishca cani. Pushaccunata llaquichishami. Ashtahuanpish tucuita Mandac Dios ñucami Judá llactapi causac ñuca acllashcacunataca ricugrisha. Paicunataca ñucapac sinchi caballocunata shinami macanacuipi churasha.

ZACARÍAS 11:3

Sumac pambacuna tucurishcamanta, michiccuna caparishpa huacashcami uyarin. Huahua leoncunapish, Jordán yacu ladopi tiyac sachacuna tucurishcamanta huahua leoncuna sinchita huacashcami uyarin.

SANTIAGO 5:5

Cancunaca cai pachapica munanayaita ruhuashpami yallita alli causashcanguichic. Yalli micushpami huañuchina punzha chayacpi, huañuchina huagracuna shina huirayashcanguichic.