JEREMÍAS 23:17 - Dios Rimashcata Quillcashcami

¹⁷ Paicunaca ñuca rimashcata piñaccunataca: “Cancunaca cushillami causanguichic” nincunami. Shinallatac maijanpish paicunapac shungu munashcata ruhuashpa causaccunataca: “Cancunaca mana llaqui tucunguichicchu” ninmi» nirca.

JEREMÍAS 23:17 ပူးပေါင်းရင်းမြစ်များ

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

ISAÍAS 30:10

Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

ISAÍAS 57:21

Ñucata Mandac Diosca: «¡Ñucata mana manchaccunamanca cushi causaica mana tiyangachu!» ninmi.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

JEREMÍAS 18:12

Ashtahuanpish paicunaca: “Ñucanchic dioscunatami catishun. Quiquin munashcatami ruhuashun. Ñucanchic shungu yuyashcatami ruhuashun. Ñucanchictaca mana jarcai pudinguichu, yangallami rimacungui” ningami» nirca.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

JEREMÍAS 4:10

Shina nicpimi ñucaca: «¡Aij, Mandac Dioslla! Ñucanchicca espadahuan huañunallami canchic. Judá llactapi, Jerusalenpi causaccunata: “Cancunaca cushi causaitami charinguichic” nishpaca, llullashcanguimi» nircani.

JEREMÍAS 5:12

Mandac Diosta negashpami: «Diosca mana tiyanchu. Ñucanchictaca ima llaquipish mana japingachu. Jatun macanacuipish, yarcaipish mana tiyangachu» ningacuna.

JEREMÍAS 6:14

Ñuca acllashcapac chugrita jahuallata jambishpaca: “Cushi causaimi tiyan, cushi causaimi tiyan” nishpami jambincuna. ¡Ashtahuanpish cushi causaica mana tiyanchu!

JEREMÍAS 7:24

Shina mandacpipish, mana uyarcacunachu, mana cazurcacunachu. Ashtahuanpish sinchi shungu tucushpami, mana allita yuyarishpa, paicuna munashcata ruhuashpa, ñaupaman rinapac randica, huashaiman cutirirca.

JEREMÍAS 8:11

Ñuca llactapi causaccunapac chugririshcata jahuallata jambishpaca: “Cushi causaimi tiyan, cushi causaimi tiyan” nincunami. ¡Ashtahuanpish cushi causaica mana tiyanchu!

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 13:10

Ñuca acllashcacunataca manapish cushi causai tiyacpimi: ‘¡Cushi causaimi tiyan!’ nishpa crichircanguichic. Chashna ruhuashpaca, pircata turuhuan llutac shinami ruhuanguichic.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

AMÓS 9:10

Ñuca acllashcapuramanta: “Llaquicunaca mana ñucanchicpacman shamungachu, shinallatac chai llaquicunaca mana japingachu” nic, juchayuc runacunataca espadahuanmi huañuchinga» ninmi.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

NÚMEROS 11:20

Ashtahuanpish quilla jundatami amirishpa millanayachingacaman micugringuichic. Cancunapac chaupipi causac Mandac Diosta mana valichishpami cancunaca: ‘¿Imamantatac Egiptomanta llucshimurcanchic?’ nishpa Mandac Diospac ñaupapi huacarcanguichic. Chaimantami cashna micugringuichic” ningui— nirca.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.